Chipotle

O chile chipotle^[1] (tamén chamado de chilpotle, do náhuatl: chilpoctli ou xipoctli, que significa chile afumado) é un tipo de chile (pemento pequeno e picante) que se deixou madurecer até minguar, para despois ser afumado e adubado.^[2]

Este produto, cuxo uso transcende o ámbito mexicano, elabórase a partir dun chile e diversos adubos e no seu estado final ten un aspecto marrón avermellado, con aroma moi picante e sabor complexo. Os chipotles pódense mercar enlatados ou a granel en moitas tendas e mercados de México. En ocasións tamén se poden conseguir recentemente preparados, usualmente en adubados con tomate e piloncillo (masa doce de cana de azucre), e en tal caso son zumentos.

Aínda que a variedade de chile máis común para facer chipotle é o xalapeño, tamén se usa o chile mora, o morita e o pasilla.^[3]

O cronista Bernardino de Sahagún (misioneiro castelán do século XVI) conta que o chile afumado, chamado tamén daquela pochchilli e hoxe en día chipotle, podíase atopar no mercado de Tlatelolco, na Cidade de México, no século XVI.^[2]

Notas[editar | editar a fonte]

↑ O termo chipotle non aparece en dicionarios galegos.
↑ ^2,0 ^2,1 Andrews, Jean (1995). Peppers: The Domesticated Capsicums (en inglés). University of Texas Press. p. 185. ISBN 9780292704671.
↑ Miller, Mark; John Harrisson, Lois Ellen Frank (1991). The Great Chile Book (en inglés). Ten Speed Press. pp. 156. ISBN 9780898154283.

Véxase tamén[editar | editar a fonte]

Outros artigos[editar | editar a fonte]

[1] O termo chipotle non aparece en dicionarios galegos.

[peppers-2] 2,0 ^2,1 Andrews, Jean (1995). Peppers: The Domesticated Capsicums (en inglés). University of Texas Press. p. 185. ISBN 9780292704671.

[3] Miller, Mark; John Harrisson, Lois Ellen Frank (1991). The Great Chile Book (en inglés). Ten Speed Press. pp. 156. ISBN 9780898154283.

[1]

[2]

[3]