Charles Lessner
| Biografía | |
|---|---|
| Nacemento | 8 de novembro de 1879  Londres, Reino Unido |
| Morte | 14 de maio de 1944 (64 anos) Vilagarcía de Arousa, España |
| Actividade | |
| Ocupación | enxeñeiro de minas |
| Familia | |
| Pai | Friedrich Leßner |
Charles Lessner, nado en Londres o 8 de novembro de 1879 e finado en Vilagarcía de Arousa o 14 de maio de 1944, foi un enxeñeiro de minas inglés.
Traxectoria[editar | editar a fonte]
Foi fillo de Friedrich Leßner, xastre membro da Liga dos Comunistas, que en 1848 participara na revolución alemá. Logo de pasar por prisión coñeceu a Karl Marx, quen apadriñou ao seu fillo Charles.
Despois de estudar a carreira de enxeñaría de minas, Charles Lessner foi a África a traballar. A comezos do século XX chegou a Galicia para traballar nas minas de estaño. En Vilagarcía de Arousa hospedouse na Fonda Porto, e casou con Josefina Porto Rey, a filla dos donos da fonda e irmá de Francisco Porto Rey, o 7 de agosto de 1909.
Deu clases de inglés, entre outros a Aquilino Iglesia Alvariño[1].
Está soterrado no cemiterio inglés de Rubiáns.
Notas[editar | editar a fonte]
- ↑ Iglesia Alvariño, A. (1986): "Autobiografía poética", en Dorna. Revista Poética Galega nº 10, Universidade de Santiago de Compostela.
Véxase tamén[editar | editar a fonte]
Bibliografía[editar | editar a fonte]
- Luaña, S.: "El vilagarciano ahijado de Marx", artigo en La Voz de Galicia, 17 de marzo de 2013 (en castelán).