Cenósteo

Na Galipedia, a Wikipedia en galego.
Saltar ata a navegación Saltar á procura
Vista dunha porción do cenósteo de Millepora exaesa

Nos hidrozoos, denomínase cenósteo ao esqueleto calcario dos hidrocorais da familias dos milepóridos, que presenta perforacións superficiais de dous tamaños diferentes para o asentamento dos gastrozoides e os dactilozoides, e perforacións profundas (canais) para a comunicación entre os diferentes pólipos da colonia.[1]

Trátase dun material esquelético pétreo segregado polo cenosarco, a capa de material vivo que se encontra entre os coralitos (as copas pétreas coas que o pólipo se sustenta).

O cenósteo está composto de aragonita, unha das formas cristalinas alotrópicas do carbonato cálcico, e xeralmente é un material esponxoso e poroso. Ás veces, o cenosteo presenta ornamentacións, como cristas e bólas, visíbles como áreas elevadas do cenosarco. O conxunto do cenósteo e os coralitos coñécese como corallum.[2][3][4]

Notas[editar | editar a fonte]

  1. Garrido, Carlos (1997): Dicionário terminológico quadrilíngue de zoologia dos invertebrados. A Coruha: Associaçom Galega da Língua. ISBN 84-8730-512-1, p. 88.
  2. Ruppert, Edward E.; Fox, Richard, S.; Barnes, Robert D. (2004). Invertebrate Zoology, 7th edition. Boston, Massachusetts, USA: Cengage Learning. pp. 134–135. ISBN 978-81-315-0104-7. 
  3. "Coensarc and coenosteum". Coral Hub. Arquivado dende o orixinal o 29 de outubro de 2017. Consultado o 28 de agosto de 2020. 
  4. "The polyp skeleton". Corals of the World. Australian Institute of Marine Science. 2013. Consultado o 28 de agosto de 2020.