Casiano Pérez Batallón
  | |
| Biografía | |
|---|---|
| Nacemento | 12 de agosto de 1839 Sarria, España |
| Morte | 1 de xullo de 1903 (63 anos) Sarria, España |
 Senador de España | |
| | |
| Datos persoais | |
| Educación | Universidade de Santiago de Compostela |
| Actividade | |
| Ocupación | político |
| Familia | |
| Fillos | Manuel Pérez Batallón |
Casiano Pérez-Batallón Losada, nado en Sarria o 12 de agosto de 1839 e finado na mesma vila o 1 de xullo de 1903,[1] foi un avogado e político galego.
Traxectoria
[editar | editar a fonte]Fillo único de Manuel Antonio Pérez Batallón e Claudina Losada González. Herdou o patrimonio territorial conseguido polo seu pai nos procesos desamortizadores das décadas de 1830 e 1840. Estudou no Colexio da Nosa Señora da Antiga de Monforte de Lemos e na Universidade de Santiago de Compostela, rematando a carreira de Dereito na Universidade Central (1864). Exerceu a avogacía e foi nomeado oficial da administración civil (1866). Foi elixido deputado polo distrito de Lugo nas eleccións de 1867. Durante o Sexenio Democrático retornou a Sarria onde exerceu a avogacía. En 1871 constituíu con outros correlixionarios a Comisión Provincial do Partido Conservador que presidiu o conde Pallarés. Na Restauración militou no Partido Conservador, foi deputado provincial e volveu ser elixido deputado a Cortes polo distrito de Lugo nas eleccións de 1879 e 1884. Foi elixido senador pola provincia de Lugo en 1886 e en 1891.
Vida persoal
[editar | editar a fonte]Casou na década de 1860 con Ángela López Fernández Batallón, e logo de enviuvar, volveu casar con Josefa López Méndez. Foi pai de Manuel, Jesús, Dolores, Antonio e José Pérez-Batallón López.
Notas
[editar | editar a fonte]- ↑ La Voz de Galicia, 3-7-1903, p. 2.
