Carmiña, flor de Galicia
| Carmiña, flor de Galicia | |
|---|---|
| Ficha técnica | |
| Na rede | |
   |
Carmiña, flor de Galicia é un filme mudo español producida por Hispánica Film de Madrid, dirixido polo italiano Rino Lupo en 1926 e estreado en 1927. A estrea en Vigo foi no teatro Rosalía de Castro o xoves 17 de febreiro de 1927 en pase dobre. A música, baseada en aires galegos, foi arranxada para a ocasión polo compositor vigués Santos Rodríguez Gómez e interpretada baixo a súa dirección polo coro de Lavadores Queixume dos Pinos[1].
Os exteriores rodáronse en Vigo, Mondariz e noutras localidades da provincia de Pontevedra, e en Vila da Veira (Portugal) e os interiores nos estudos Invicta de Porto. Os rótulos escribiunos Antonio Rey Soto e a publicidade do filme en Galicia realizouse en parte en lingua galega.
É un melodrama de ambiente galego contemporáneo, protagonizada por Carmiña que se ve abandonada tras ir á cidade acompañando ao seu pretendente, un conde, a protagonista desesperada decide suicidarse pero válelle o seu antigo namorado que a salva de morrer e o conde finalmente arrepentido volverá con ela, nunha historia paralela por medio dun flashback conta unha lenda medieval, un mozo asasina ao seu señor para impedir que cumpra o dereito de pernada coa súa moza.
Intérpretes[editar | editar a fonte]
Notas[editar | editar a fonte]
- ↑ El Pueblo Gallego: Diario de la mañana, al servicio de los intereses de Galicia Num. s.n. (17/02/1927), p. 2(en castelán)
Véxase tamén[editar | editar a fonte]
Bibliografía[editar | editar a fonte]
- Castro de Paz, José Luis, ed. (1996). Historia do cine en Galicia. Vía Láctea Editorial. p. 88-90. ISBN 84-89444-22-6.
