Carlota Corredera

Carlota Corredera

Biografía
Nacemento	21 de xullo de 1974 (49 anos) Vigo, España
Datos persoais
País de nacionalidade	España
Educación	Universidade de Santiago de Compostela
Actividade
Ocupación	xornalista , presentadora de televisión
Empregador	Mediaset España
Lingua	Lingua castelá
Obra
Obras destacables (2007) Hormigas blancas (en) (2009-2023) Sálvame (2015-2018) Cámbiame (en)

Elisa Carlota Corredera Llauger, nada en Vigo o 21 de xullo de 1974, é unha presentadora, directora, colaboradora de televisión e xornalista galega, máis coñecida como Carlota Corredera. É coñecida por dirixir varios programas de La Fábrica de la Tele e por presentar Sálvame Diario.

Traxectoria

Licenciouse en xornalismo na Universidade de Santiago de Compostela en 1997; a partir dese momento estivo ligada ao xornal La voz de Galicia. A súa andaina televisiva comezou en Antena 3, canle na que chegou a ser subdirectora do espazo Sabor a ti, de Ana Rosa Quintana, en 2003.

Despois pasou a Telecinco para dirixir programas como TNT, El laberinto de la memoria e Hormigas blancas. En 2009 déronlle a oportunidade de dirixir os espazos de grande audiencia Sálvame Diario e Sálvame Deluxe. Neste último estivo até 2013. En 2013 uniuse como colaboradora de Abre los ollos y mira, e en 2014 comezou a ser presentadora substituta de Sálvame Diario. Ademais en 2016 colaborou para o mesmo espazo. No verán dese mesmo ano comeza a colaborar tamén en Hable con ellas e presenta o docu-reality Las Campos.

A finais de 2016 anunciouse a súa fichaxe como nova presentadora de Cámbiame a partir do 9 de xaneiro de 2017.

Vida persoal

Carlota casou o 15 de xuño de 2013 con Carlos de la Maza, cámara do programa Sálvame Diario O 23 de xuño de 2015 deu a luz á súa primeira filla, Alba.