Carlos II con armadura

Na Galipedia, a Wikipedia en galego.
Saltar ata a navegación Saltar á procura

Carlos II con armadura
Juan Carreno de Miranda 023.jpg
ArtistaJuan Carreño de Miranda
Data1681
TécnicaÓleo sobre lenzo
Dimensións232 cm × 125,5 cm
LocalizaciónMuseo do Prado (Madrid, España España)

Carlos II con armadura  é unha pintura ao óleo de 1681 realizada polo pintor español Juan Carreño de Miranda (1614-1685) do rei de España Carlos II. O número de artistas reais, baixo control de Carlos II, fixo que puidese estar en posesión dunha das mellores coleccións de Europa. Este cadro atopábase orixinalmente nunha sala del Escorial, hoxe pertence ao Museo do Prado de Madrid co número de inventario P07101.[1]

Descrición[editar | editar a fonte]

O personaxe é un retrato de corpo enteiro do mozo Carlos II de España co pelo longo e vestido cun equipo militar en forma de armadura, botas de montar, a espada e o cetro. A armadura está decorada con a cruz de Borgoña e un brillante sol. Detrás do rei pódese ver unha mesa apoiada sobre leóns de bronce, encima da cal se atopa un casco e unha luva. No fondo, detrás dunha balaustrada, albíscanse dous buques de guerra disparando canóns.

Historia[editar | editar a fonte]

Carlos II foi o último Habsburgo que reinou en España, naceu con discapacidades físicas e mentais e dependeu de coidadores durante toda a súa vida. O artista tivo un traballo difícil para presentar ao rei tanto de forma idealizada como á vez realista.[2] De acordo coa datación da imaxe, o rei contaba con 20 anos de idade. Foi nesta obra a primeira vez que foi representado con vestiduras militares, as referencias bélicas do fondo do retrato, refírense ás guerras con Luís XIV de Francia. Os símbolos debuxados na armadura son os pertencentes á que usou Felipe II na batalla de San Quintín do ano 1557. Os exames realizados na pintura con raios X mostraron, que baixo a capa actual, hai un retrato do rei cuns 10 anos de idade.[3]

Notas[editar | editar a fonte]

  1. National Gallery of Victoria (ed.). "Charles II" (en inglés). Consultado o 28 de xuño de 2016. 
  2. Didactalia. Mis museos (ed.). "Carlos II, con armadurra. Descripción y clasificación". Consultado o 28 de xuño de 2016. 
  3. Museo do Prado (ed.). "Carlos II, con armadura". Consultado o 28 de xuño de 2016.