Candás, Asturias

Para outras páxinas con títulos homónimos véxase: Candás.

Candás, Asturias

Localización
43°35′21″N 5°45′56″O
Estado	España
Comunidade autónoma	Asturias
Provincia	provincia de Asturias
Concello	Carreño
Poboación
Poboación	7.193 (2017) (3.254,75 hab./km²)
Número de fogares	3.822 (2001)
Xeografía
Superficie	2,21 km²
Bañado por	Mar Cantábrico
Altitude	13 m
Comparte fronteira con	Perlora El Pieloro Bocines (en)
Identificador descritivo
Código postal	33430
Fuso horario	UTC+01:00
Código INE	33014030000

Candás é a parroquia máis poboada do concello de Carreño, no Principado de Asturias, e unha vila de devandita parroquia. A vila de Candás é a capital do concello.

Xeografía

Localízase nun dos puntos máis setentrionais da Península Ibérica, a 13 quilómetros do Cabo de Peñas. Atópase perfectamente comunicada con Xixón, Avilés e Oviedo, cidades das que se atopa a distancias inferiores a 30 quilómetros. A parroquia no seu conxunto conta con 7.320 habitantes, e a vila de Candás con 6.836 (INE 2009).

Economía

Tradicionalmente a pesca e a industria conserveira foron os sectores económicos máis importantes do pobo, pero ambos entraron en crise coa apertura da factoría ENSIDESA e coa expansión da siderurxia na comarca de Avilés. Actualmente o turismo e a hostalaría, sobre todo no verán, tamén ocupan un lugar importante na economía da vila.

Un dos elementos máis significativos do pobo é o seu porto, no pasado un dos máis importantes do Mar Cantábrico.

Festividades

As festas locais son o Festival da Sardiña (San Félix) o 1 de agosto e o Cristo, o 14 de setembro. Destaca tamén polo grande éxito de público o Festival de Bandes de Gaites Villa de Candás, un festival que vén celebrándose no mes de xullo desde 1997 onde se reúnen moitas das mellores formacións de Europa cun denominador común: a gaita. Tamén son de destacar as romarías tradicionais de San Antonio (13 de xuño) e San Roque (16 de agosto).

Galería de imaxes

• 
  Faro de Candás
• 
  Porto de Candás