O café irlandés é unha bebida produto da mestura de whisky irlandés quente, tres cubos de azucre, café negro e dous centímetros de nata.
Na forma coñecida mundialmente, foi creada en novembro de 1952 na taberna Buena Vista, en San Francisco, California, por Jack Koeppler, dono da taberna, e Stanton Delaplane, reporteiro viaxeiro. A idea era recrear a bebida (variación das bebidas quentes con licor xeralmente chamadas hot toddy) que se servía aos viaxeiros que chegaban ao aeroporto de Foynes (Irlanda) para que entrasen en calor.[1][2]
Hai quen pensa que esta bebida foi a inspiración para que Gilbeys of Ireland comezase a comercialización, en 1974, de Baileys, bebida baseada tamén en café, crema e whisky irlandés, que é ás veces chamada "café irlandés industrializado".
