CD24

Na Galipedia, a Wikipedia en galego.
Saltar para a navegação Saltar para a pesquisa

O CD24 (cluster de diferenciación, transdutor de sinais CD24 ou antíxeno estable á calor CD24 (HSA) é unha proteína da superficie de certas células, que nos humanos está codificado polo xene CD24 do cromosoma 6.[1] O CD24 funciona como molécula de adhesión celular.

O CD24 é unha glicoproteína expresada na superficie da maioría dos linfocitos B e neuroblastos en diferenciación e granulocitos maduros. A proteína está ancorada por un enlace de glicosilfosfatidilinositol (GPI) á superficie celular.[2] O xene está asignado ao cromosoma 6, pero un aliñamento desta secuencia xénica atopa localizacións xenómicas con semellanzas nas rexións cromosómicas 3p26, 15q21, 15q22, 20q11.2 e Yq11.1.[3]

Esta proteína de adhesión celular foi identificada orixinalmente como antíxeno estable á calor do rato. Está implicado nas metástases e exprésase moito nas células dos neoplasmas.[4] Variacións xenéticas do xene CD24 foron asociadas coa susceptibilidade á esclerose múltiple.[5]

O CD24 modula as respostas de activación de células B. A sinalización podería estar desencadeada pola unión dun ligando de tipo lectina aos carbohidratos de CD24, e transducida pola liberación dun segundo mensaxeiro derivado da áncora GPI. Promove a proliferación dependente de antíxeno das células B, e impide a súa diferenciación terminal a células produtoras de anticorpos.[6]

Notas[editar | editar a fonte]

  1. Hough MR, Rosten PM, Sexton TL, Kay R, Humphries RK (1994). "Mapping of CD24 and homologous sequences to multiple chromosomal loci". Genomics 22 (1): 154–61. PMID 7959762. doi:10.1006/geno.1994.1356. 
  2. OMIM CD24
  3. Entrez gene CD24. NCBI resources
  4. MeshName - CD24+Antigen
  5. Zhou Q, Rammohan K, Lin S, Robinson N, Li O, Liu X, Bai XF, Yin L, Scarberry B, Du P, You M, Guan K, Zheng P, Liu Y. CD24 is a genetic modifier for risk and progression of multiple sclerosis. Proc Natl Acad Sci U S A. 2003 Dec 9;100(25):15041-6. Epub 2003 Dec 1. PMID 14657362. [1]
  6. Suzuki T, Kiyokawa N, Taguchi T, Sekino T, Katagiri YU, Fujimoto J. CD24 induces apoptosis in human B cells via the glycolipid-enriched membrane domains/rafts-mediated signaling system. J Immunol. 2001 May 1;166(9):5567-77. PMID 11313396. [2]

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]