C.P. Calafell

CP Calafell
Cidade	Calafell, Cataluña
Historia	1952-
Fundado	1952
Pavillón	Pavelló Joan Ortoll (600)
Presidente	Josep Maria Guinovart
Adestrador	Ferran López
Competición	OK Liga
Cores	Verde e branco
Na rede
	https://cpcalafell.cat/
	Sitio web ; Sitio web oficial

O Club Patí Calafell é un club de hóckey a patíns e patinaxe artística catalán da localidade de Calafell, Baix Penedès (Provincia de Tarragona).

Historia[editar | editar a fonte]

O 9 de xuño de 1952, o cura da parroquia de Santa Creu de Calafell, Jaume Tobella i Llobet, aceptou a idea de poñer en marcha un equipo de hóckey a patíns na localidade como unha sección do Centre Parroquial.^[3] A idea naceu logo da celebración en Barcelona do Campionato do Mundo de 1951. O Centre Parroquial xa contaba con seccións de baloncesto, xadrez e tenis de mesa. O presidente do Centre era Vicenç Espinya.

O club debutou en competición oficial na tempada 1954-55. Xogou na pista da Rectoría ata a tempada 1964-65. A tempada seguinte comezou a xogar na Pista del Litu, na pista do cine da praia. Na tempada 1966-67 instalouse na pista de Les Escoles. Estes anos o club mudou a súa denominación pola de Club Patí Calafell. Na tempada 1963-64 o equipo proclamouse campión do Estado español e de Cataluña en segunda división e ascendeu á primeira división (actual división de honra).

A tempada 1975-76 comezou a construción do actual pavillón municipal e na 1980-81 o club proclamouse campión de primeira división e ascendeu á división de honra.

En 1981 púxose en funcionamento a sección de patinaxe artística do CP Calafell.^[4]

A tempada 2010-11 o club conseguiu o ascenso á OK Liga, máxima categoría do hóckey a patíns no Estado español,^[5] trinta anos despois de ter participado na máxima categoría por última vez, na tempada 1980-81.^[6]