Bilingüe

Na Galipedia, a Wikipedia en galego.
Bilingüe
Ficha técnica
Director Cecilia Perolio
Guión Cecilia Perolio
Intérpretes Arantza Villar (Helena), Marcos Correa (Diego), Marta Pazos (Carmen), Borja Fernández, Clara Gayo
Fotografía Olmo Couto
Montaxe Jorge Coira
Estrea 17 de abril de 2008
Duración 15 minutos
Orixe Galicia Galicia
Xénero comedia
Orzamento 11.962 €

Bilingüe é unha curtametraxe de Cecila Perolio, rodada en 2007 en formato HDV, con localizacións en Santiago de Compostela e Vedra. Trátase dunha comedia romántica, onde ante a incapacidade de sincerarse, os protagonistas intentan amosar os sentimentos mediante a música, a literatura ou o cinema. A banda sonora inclúe os temas "Dream a catfish" (Joserra Lorenzo), "Amor cromático" (Psicofónica de Conxo), "Fouet d'amour" (Marcelino Galán) e "G" (deJune).

Argumento[editar | editar a fonte]

Helena é unha actriz de Allariz que chega a Santiago de Compostela a facer un curso de danza, instalándose no piso da súa amiga Carmen. Alí atópase con Diego, en certo modo parella de Carmen, e entre os dous xorde certa tensión sexual.

Mentres ven a película Festen, de Thomas Vinterberg, falan das relacións de parella e das relacións sexuais, pero sen seren capaces de dicirlle ao outro os seus sentimentos. Helena marcha para cama atopándose mal, en parte debido ao consumo de haxix e de viño.

Cando Helena colle unha botella de leite do frigorífico, Diego sorpréndea por detrás e teñen na mesma cociña unha relación sexual, pero ao espertar vese que fora un soño. Malia que Diego marcha de viaxe, a historia remata cun final aberto, coa chegada ao piso dun mensaxeiro.

Véxase tamén[editar | editar a fonte]

Ligazóns externas[editar | editar a fonte]