Benzú

A praia de Benzú

Benzú é unha localidade e pedanía da cidade autónoma de Ceuta. En plena costa atlántica e xunto á fronteira con Marrocos, Benzú sitúase na parte noroccidental da capital ceutí. Preto desta localidade encóntranse os núcleos de Beliones e Castillejos, xa na rexión marroquí de Tánxer-Tetuán.

Xeografía

Encóntrase lindando con Marrocos, pero a súa parte da fronteira é de acceso restrinxido e pouco transitada. É unha das partes máis belas de Ceuta, pola súa diversidade, xa que está bañada polas augas do estreito de Xibraltar por un lado, por montañas por outro lado e, cruzando a fronteira, o pequeno pobo marroquí coñecido en Ceuta como Beliones por outro. En Beliones pode verse a coñecida como 'a Muller Morta' (la Mujer Muerta), unha montaña en territorio marroquí que vista dende Benzú se asemella a unha muller tombada.

Actualmente, é coñecida a nivel internacional polos importantes descubrimentos arqueolóxicos localizados na zona e as investigacións que a Universidade de Cádiz sobre estes está levando a cabo.

Demografía

Variación demográfica de Benzú

2000	2001	2002	2003	2004	2005	2006	2007	2008	2009	2010	2011	2012
1127	1187	1187	1123	1077	1085	1055	-	1134	1125	1170	-	1326