BellónMaceiras
| BellónMaceiras | |
|---|---|
| Orixe | Fene,  Galicia |
| Período | 2005−presente |
| Xénero(s) | Música tradicional galega |
| Membros | Daniel Bellón Diego Maceiras |
| Artistas relacionados | BellónMaceiras Quinteto |
| Na rede | |
| https://www.bellonmaceiras.com | |
       | |
BellónMaceiras é un dúo musical de Fene, fundado en 2005 e composto por Dani Bellón (gaita) e Diego Maceiras (acordeón).[1]
Traxectoria[editar | editar a fonte]
Xurdiu na primavera de 2005 cando Daniel Bellón e Diego Maceiras decidiron unir a gaita e o acordeón, un dúo de instrumentos pouco explorado até aquel momento.[2] O dúo gañou o VII Certame Folk de Radio Obradoiro que se celebrou no Teatro Principal de Santiago de Compostela e, xunto a Álex Blanco, foron os vencedores no Proxecto Runas do Festival Internacional do Mundo Celta de Ortigueira de 2006, o que lles deu a posibilidade de actuar no escenario principal o ano seguinte.[3] Foron un dos grupos da delegación galega no Festival Intercéltico de Lorient de 2006. En decembro dese ano publicaron o seu primeiro disco co título Unión das Terras. Componse de pezas propias mesturadas cunha visión moi persoal de temas de diversas culturas adaptadas á gaita e ao acordeón. Realizaron numerosas actuacións como presentación do disco, tanto en Galicia como en España (Madrid, Barcelona, Málaga) e Europa (Andorra, Suíza), e incluso en Nova York.[4]
En 2007 incorporaron tres novos membros, Juan "Cabe", Miguel Lamas e Juan Tinaquero, para formar BellónMaceiras Quinteto, grupo co que publicaron en 2010 o disco FolkFusión.[5] No ano 2016 publicouse o segundo álbum do dúo BellónMaceiras, titulado Ten. Constou de 10 temas e contou con varias colaboracións, entre elas as da organista rusa María Moiséeva ou o violinista galés Oliver Wilson-Dickson.[6][7]
Discografía[editar | editar a fonte]
- Unión das Terras (2007)
- Ten (2016)
Premios[editar | editar a fonte]
- 1º Premio do VII Certame Folk de Radio Obradoiro (2006)
- Vencedores do Proxecto Runas do Festival do Mundo Celta de Ortigueira (2006)
Notas[editar | editar a fonte]
- ↑ BellónMaceiras en MySpace Música.
- ↑ "Bellón Maceiras Quinteto estarán no Festival de Ortigueira". 2 de xuño de 2014. Consultado o 28 de abril de 2020.
- ↑ "El trío de Daniel Bellón gana el certamen Runas de Ortigueira". La Voz de Galicia (en castelán). 12 de xullo de 2006. Consultado o 28 de abril de 2020.
- ↑ "Formacións de Daniel Bellón". Consultado o 27 de abril de 2020.
- ↑ "O Bellón Maceiras Quinteto presenta o seu primeiro disco, "Folk Fusión"". 5 de abril de 2010. Consultado o 28 de abril de 2020.
- ↑ "Diez canciones para celebrar una década de folk fusión". La Voz de Galicia (en castelán). 5 de decembro de 2015. Consultado o 28 de abril de 2020.
- ↑ ""Ten é un remexido de 10 anos de vivencias”". 24 de maio de 2016. Consultado o 28 de abril de 2020.
