Belako (grupo musical)

Belako
Belako no 2014.
Orixe	Mungia, Biscaia, País Vasco
Período	2011-presente
Xénero(s)	Post-punk, indie, rock alternativo
Membros	Josu Ximun Billelabeitia Lore Nekane Billelabeitia Lander Zalakain Cris Lizarraga
Na rede
Páxina oficial

Belako é un grupo de post-punk vasco da localidade de Mungia, na provincia de Biscaia, cuxas cancións están cantadas maioritariamente en inglés, aínda que tamén inclúen algunha canción en éuscaro.

O termo Belako fai referencia ó barrio de Mungia onde ensaian e de onde son os irmáns Josu e Lore.

Historia

O grupo de Mungia (Biscaia) formouse no 2011, inspirado pola new wave dos 80, facendo versións e tocando en pequenos locais. Axiña, evolucionaron a sons máis actuais combinando o post-punk con toques electrónicos.

No 2012, gañaron o concurso de maquetas de Euskal Irrati Telebista e obtiveron o terceiro posto en Radio 3. Estes resultados permitíronlles tocar no Bilbao BBK Live ese mesmo ano, e posteriormente, abrir concertos de Elvis Costello no Festival de Jazz de Donostia.

As excelentes críticas fixeron de Belako, a pesar da súa mocidade e a editar unicamente un álbum longo, Eurie (Choiva, en éuscaro), se presentase como unha banda cun gran potencial no panorama nacional.

Lander Zalakain.

Eurie, publicado a comezos de 2013 baixo a produción de Aitor Abio en Gaua estudos, lévanos a lembrar atmosferas do post-punk británico. No disco destacan os temas "Sea of confusion", "Haunted house" e "Southern sea (Beautiful world)" e "Molly and Pete"

O 29 de agosto de 2013 participaron xunto con Crystal Fighters e Wilhelm and the dancing animals en Cave-Rave das Covas de Zugarramurdi.

Membros

• Josu Ximun Billelabeitia - Guitarra e voz
• Lore Nekane Billelabeitia - Baixo e voz
• Lander Zalakain - Batería e voz
• Cris Lizarraga - Teclado e voz

Discografía

• Eurie (2013)
• Hamen (2016)
• Render Me Numb, Trivial Violence (2018)
• Plastic Drama (2020)

EP

• Bele Beltzak, Baino Ez (2014)
• AAAA!!!! (2014)

Véxase tamén

Outros artigos

• Páxina oficial