Baltasar Moscoso Sandoval

Baltasar Moscoso Sandoval
	;
Biografía
Nacemento	(es) Baltasar Moscoso y Sandoval ; 9 de marzo de 1589 ; Galicia, España
Morte	17 de setembro de 1665 (76 anos); Madrid, España
Arcebispo de Toledo
	28 de maio de 1646 – ; ← Gaspar de Borja y Velasco (pt) – Pascual de Aragón (pt) → ; Diocese: Arquidiocese católica latina de Toledo
Bispo de Xaén
	29 de abril de 1619 – ; ← Francisco Martínez de Cenicero (en) – Juan Queipo de Llano y Flórez (pt) → ; Diocese: diocese de Xaén
Cardeal
	2 de decembro de 1615 –
Datos persoais
Relixión	Igrexa católica
Actividade
Ocupación	bispo católico (1619–), sacerdote católico (1616–)
Consagración	Fernando de Acevedo

Baltasar Moscoso Sandoval, nado o 9 de marzo de 1589 en Santiago de Compostela e finado en Madrid o 17 de setembro de 1665 foi un cardeal da Igrexa Católica.

Biografía

Era fillo do conde de Altamira, Lope Moscoso Ossorio, e sobriño do duque de Lerma e cardeal Francisco de Sandoval Rojas, valido do rei Filipe III, e tamén parente do cardeal Bernardo Sandoval Rojas.

Por mor das influencias familiares tivo unha carreira rápida e de importancia. Foi nomeado cardeal cando tiña tan só 26 anos polo papa Paulo V, e recibiu de Filipe III a tarefa de solicitar da Santa Sé a súa intervención contra os protestantes.

En Navalcarnero, o 17 de outubro de 1649 foi o encargado de oficiar o casamento do rei Filipe IV con Mariana de Austria. Foi tamén supremo Chanceler de Castela e conselleiro de Estado, nomeado por Filipe IV.

Bispo de Xaén do 29 de abril de 1619 ao 28 de maio de 1646. Durante o seu mandato fixéronse grandes obras na Catedral.
Arcebispo de Toledo do 28 de maio de 1646 ao 17 de setembro de 1665.

Está enterrado na catedral de Toledo, na capela do Descendemento.

Véxase tamén

Ligazóns externas