Bólido

Na imaxe:
a) vese un meteoro moi brillante (bólido)
b) a súa posterior fragmentación

En astronomía, un bólido é unha masa de material procedente do espazo que atravesa a atmosfera da Terra a gran velocidade, con gran brillo, e que pode estoupar e fragmentarse en pedazos.^[1]

Características

É un meteoro moi brillante, caracterizado por parecer unha bóla de fogo e crear unha pegada luminosa, producida pola entrada na atmosfera terrestre dun meteoroide cunha masa da orde das toneladas, que xeralmente explota antes de chegar ao solo e que produce un estrondo apreciábel.^[2]

Un bólido presenta a aparencia dunha esfera de fogo, e non un aspecto puntual ou estelar. O suo luminoso que deixa ao seu paso pola atmosfera persiste un tempo superior ás decenas de segundos, e pode chegar a ser de varios minutos e incluso de media hora. Chega acompañado de fenómenos acústicos como unha explosión e ás veces pódense encontrar no solo algúns fragmentos do meteoro que resisten á completa volatilización no seu paso pola atmosfera.

Clasificación

**Os fenómenos luminosos**
Nome	Masa	Altitude	Duración
Estrela fugaz	orde do g	110-80 km	1-2 s
Meteoro	orde do kg	80-50 km	2-5 s
Bólido	de 0,5 a 10 T	50-13 km	5-40 s

Notas

↑ bólido no Dicionario da RAG.
↑ Stephen P. Maran (2010). Astronomy For Dummies. Hoboken, Nova Jersey: John Wiley & Sons. p. 60. ISBN 978-1-1180-5456-7. Consultado o 23 de novembro de 2021.

Véxase tamén

Outros artigos

Ligazóns externas

[1] ólido no Dicionario da RAG.

[Maran2010-2] Stephen P. Maran (2010). Astronomy For Dummies. Hoboken, Nova Jersey: John Wiley & Sons. p. 60. ISBN 978-1-1180-5456-7. Consultado o 23 de novembro de 2021.

[1]

[2]