Autónoe

Autónoe
Instancia de personaxe da mitoloxía grega
Biografía
Lugar de sepultura Tumba de Autónoe en Erenea
Sexo muller
Familia
Nai Harmonía
Pai Cadmo
Cónxuxe Aristeu
Irmá/n Ino Sémele Agave Polidoro
Fillo/a Acteón Carmo
Identificadores Freebase /m/0l9p4
Fontes e ligazóns  Descrito pola fonte Paulys Realenzyklopädie der klassischen Altertumswissenschaft "Autonoe 2 (Pauly-Wissowa)"
Wikidata

Na mitoloxía grega, Autónoe (en grego antigo Αὐτονόη) era unha princesa tebana, filla de Cadmo (o fundador de Tebas) e da deusa Harmonía.

Traxectoria

Tiña un irmán maior, Polidoro, e outras tres irmás maiores: Ino, Sémele e Agave. Casou con Aristeu en Beocia e foi nai de Acteón. Quizais tamén o foi de Macris, mais Apolonio de Rodas só menciona a Aristeu como pai e Autónoe non é mencionada como nai. Ao morrer seu fillo Acteón, como consecuencia do episodio mitolóxico con Ártemis, deixou Tebas para sempre e marchou a Erenea (Mégara) onde en época histórica, aínda, se podía ver a súa tumba.

Episodio da morte de Acteón

No Himno V de Calímaco, recóllese a versión máis clásica da morte de Acteón da man de Ártemis por vela espida que despois foi cuberta de detalles por Ovidio na súa obra Metamorfoses.

Este era un rapaz que gustaba da caza e, nunha ocasión que estaba no monte Citerión cos seus cincuenta cans de caza, no sur de Beocia, buscando a sombra, adentrouse nunha arboreda nun val que estaba consagrado a Artemis. no interior do val, nunha fonte, estaba tamén a deusa bañándose, coas súas ninfas. A deusa enfadada, celosa da súa virxinidade, botoulle auga na cara afirmando que se poidese, seguro que, diría que a vira espida. De súpeto, na zona da cabeza onde lle tocara a auga, empezaron a asomarlle cornas e, paseniñamente, se converteu nun veado. Malia a transformación, era consciente do que estaba a piques de suceder cando os seus cans se botaron a el e o mataron.

Véxase tamén

Bibliografía

• Gallardo López, Mª Dolores (1995). Manual de mitología clásica (en castelán). Madrid: Ediciones Clásicas. ISBN 84-7882-194-5. 
• Hard, Robin (2008). El gran libro de la mitología griega (en castelán). (baseado no Manual de mitología griega de H. J. Rose) (1ª ed.). Madrid: La Esfera de los Libros. ISBN 978-84-9734-699-3. 

• Smith, William, ed. (1867). Dictionary of Greek and Roman Biography and Mythology (vol. I) (en inglés). Boston: Little, Brown and Company.