Auga de Valencia

Na Galipedia, a Wikipedia en galego.
Saltar ata a navegación Saltar á procura
Zume de laranxa, ingrediente da Auga de Valencia

A Auga de Valencia é un combinado a base de cava ou champaña, zume de laranxa, vodka e xenebra. Polo xeral sérvese en xerras de varias racións e bébese en copas anchas de cóctel. Foi elaborado, por primeira vez, no ano 1959 por Constante Gil no Café Madrid de Valencia.

Segundo conta a escritora María Ángeles Arazo no seu libro "Valencia Noite" naquela época frecuentaban a cervexería un grupo de viaxantes vascos que adoitaban pedir "Auga de Bilbao", referíndose ao mellor espumoso da casa. Cansos de pedir sempre o mesmo retaron ao propietario a ofrecerlles algo novo e este propúxolles beber a "Auga de Valencia". Eles accederon a probar o cóctel que Gil preparou naquel momento e xa non deixaron de tomalo nas súas posteriores visitas.

Durante unha década a bebida foi coñecida só por un pequeno grupo de clientes e non foi até os anos 1970s cando comezou a coñecerse na noite valenciana. Desde entón, converteuse nunha bebida bastante popular.

Constante Gil deixou a cervexería no ano 2000 para se dedicar exclusivamente a pintar os seus "Faladoiros de Café" homenaxe ás súas vivencias entre Auga de Valencia e Rocafulls.

Ingredientes[editar | editar a fonte]

Modo de preparar unha xerra dun litro[editar | editar a fonte]

  1. Facer un vaso de zume de laranxa (18 cl)
  2. Engadirlle unha botella de espumoso semi-seco (70 cl)
  3. Engadir unha copa de vodka e xenebra (10 cl)
  4. Azucre ao gusto
  5. Arrefriar en frigorífico (se non é posible, engadir xeo)

Recomendacións[editar | editar a fonte]

  • Utilice laranxas de tempada da horta valenciana.
  • Non utilizar licor de laranxa (Cointreau ou Curação) pois a laranxa natural perdería as súas calidades aromáticas.
  • A boa calidade dos alcois brancos mellora a calidade do cóctel.
  • Se prefire a bebida seca non engada azucre e utilice cava seco ou brut.
  • É preferible preparar a auga de Valencia con antelación para arrefriar en neveira case até a súa escarchado, así conseguimos que a mestura dos seus aromas sexa perfecta, antes de servir removeremos cunha culler sen axitar.