Vahitahi (antes Les Quatre Facardins e Lagoon) é un atol das Tuamotu, na Polinesia Francesa. Administrativamente é unha comuna asociada á comuna de Nukutavake. Está situado a 50km ao norte de Nukutavake.
Ten unha superficie total de 2,5km², sen ningún paso navegable cara á lagoa interior. A vila principal é Mohitu (antes chamada Temanufaara). A poboación total era de 68 habitantes no censo de 1996. Dispón dun aeródromo.
Foi a primeira illa que atopou no Pacífico o francés Bougainville en 1768, na súa viaxe de circunnavegación. Recordoulle o nome dunha famosa novela da época: Les Quatre Facardins. O ano seguinte tamén foi a primeira illa que atopou o inglés James Cook na súa primeira viaxe, ademais do primeiro atol, e así o chamou Lagoon Island.
