Apolodoro de Caristo
| Biografía | |
|---|---|
| Nacemento | Caristo
 |
| Morte | valor descoñecido Atenas |
| Residencia | Antiga Atenas |
| Actividade | |
| Ocupación | comediógrafo |
| Movemento | Comedia nova |
| Descrito pola fonte | Nordisk familjebok Реальный словарь классических древностей по Любкеру Encyclopædia Britannica |
 | |
Apolodoro de Caristo (en grego Ἀπολλόδωρος) foi un poeta cómico nado probabelmente en Caristo, Eubea. Os antigos distinguían entre dous poetas cómicos chamados Apolodoro, este de Caristo e Apolodoro de Xela, nacido en Gela en Sicilia.
Traxectoria
[editar | editar a fonte]Apolodoro de Caristo viviu probabelmente na primeira metade do século -III. Pertencía á nova escola de comedia ateniense, e foi un dos seus autores máis distinguidos. Atribúenselle 47 comedias, e consta que gañou cinco premios. Parece que as súas obras non foron representadas en Atenas senón en Alexandría. As súas obras continuaron representándose despois da súa morte e foron populares, como se desprende de que Terencio tomase o tema das súas obras A Sogra e Formión de dúas obras de Apolodoro[1].
O Suídas menciona un poeta cómico ao que chama Apolodoro de Atenas, o que levou a algúns críticos a pensar que había tres comediógrafos chamados Apolodoro, pero probabelmente sexa o mesmo Apolodoro de Caristo[2].
Notas
[editar | editar a fonte]- ↑ Smith, William (ed.) (1867). "Apollodorus 6.". Dictionary of Greek and Roman Biography and Mythology. Vol. I. Boston: Little, Brown, & Comp. p. 233.
- ↑ Smith, William (ed.) (1867). "Apollodorus 6.". Dictionary of Greek and Roman Biography and Mythology. Vol. I. Boston: Little, Brown, & Comp. p. 233.
