Aparición do apóstolo san Pedro a san Pedro Nolasco

Na Galipedia, a Wikipedia en galego.
Saltar ata a navegación Saltar á procura

Aparición do apóstolo san Pedro a san Pedro Nolasco
Aparición del apóstol San Pedro a San Pedro Nolasco.jpg
ArtistaFrancisco de Zurbarán
Data1629
TécnicaPintura ó óleo sobre lenzo
Dimensións179 cm × 223 cm
LocalizaciónMuseo do Prado (Madrid)

Aparición do apóstolo san Pedro a san Pedro Nolasco é un cadro de Francisco de Zurbarán pintado en 1629 e conservado no Museo do Prado de Madrid, España. Está pintado ó óleo sobre lenzo, mide 179 cm de alto por 223 de ancho e forma parella con Visión de san Pedro Nolasco. Na zona inferior está asinado e datado: FRANCISCUS Đ ZURBARAN [coa inscrita na N]/ FACIEBAT. 16Z9

O cadro representa a san Pedro aparecéndose e consolando a san Pedro Nolasco, xa que este quería ir a Roma para visitar a tumba do apóstolo e non podía, e cominándolle a continuar as súas tarefas de evanxelización en España.

A obra, xunto coa súa compañeira Visión de san Pedro Nolasco, das mesmas medidas, foi realizada para o claustro do convento de la Merced Calzada de Sevilla (actual edificio do Museo de Belas Artes). Nelas o pintor estremeño amosa a súa habilidade para plasmar a expresión das figuras, os valores táctiles e calidade das texturas e o cromatismo de brancos e grises en composicións austeras.

En 1808 o lenzo foi comprado por López Cepero, deán da catedral de Sevilla, que en 1821 doou á colección do rei Fernando VII.