Antonio Sánchez Quiroga
| Biografía | |
|---|---|
| Nacemento | 1913  O Saviñao, España |
| Morte | 14 de xaneiro de 1937 (23/24 anos) Lugo, España |
| Datos persoais | |
| Outros nomes | Follés |
| País de nacionalidade | España |
| Actividade | |
| Ocupación | militar , político |
Antonio Sánchez Quiroga, coñecido como Follés, nado no Saviñao cara a 1913 e finado en Lugo o 14 de xaneiro de 1937, foi un militar e político galego.
Traxectoria[editar | editar a fonte]
Facía o servizo militar na base aérea de León, e nos primeiros días da revolución de Asturias de 1934 participou nun movemento de apoio aos sublevados; asaltaron o arsenal e impediron a engalaxe dos avións repletos de bombas para descargar sobre Oviedo. Detido, un tribunal de guerra condenouno a 20 anos de prisión,[1] que se reduciron a 16 meses no forte de Guadalupe de Irún. Logo do triunfo do Frente Popular foi amnistiado e regresou a Escairón con Antonio Nieves Ferreiro, sendo recibidos con fogos artificiais e un banquete o 1 de marzo.[2][3] Co golpe de Estado do 18 de xullo de 1936 foi detido o 6 de agosto xunto con Bernardo Sánchez Quiroga.[4] Xulgado en Lugo por rebelión militar e condenado a pena de morte. Foi executado en Lugo o 14 de xaneiro de 1937 con Agustín Rouco Vilar.[5]
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Nieves Ferreiro, Antonio (2009). Una lucha incansable. Vigo: Galaxia.
Ligazóns externas[editar | editar a fonte]
Antonio Sánchez Quiroga na páxina web Nomes e Voces.