Annie Christmas
Annie Christmas[1] é un personaxe do folclore de Luisiana (EUA), descrito como unha muller afroamericana duns 2 m de altura e de forza sobrenatural, capitá dun barco no río. Foi descrita como a contraparte feminina de John Henry, outro personaxe afroamericano do folclore da zona con características similares. Crese que ambos poderían estar baseados en persoas reais. As historias de Annie Chrismas foron incluídas en varias coleccións de relatos do sur dos Estados Unidos.[2][3][4]
No seu libro The Gangs of New Orleans ("As Bandas de Nova Orleáns"), Herbert Asbury expón que Annie Christmas era orixinalmente unha muller de Nova Orleáns branca, unha heroína do folclore «que se converteu nunha semideusa entre a poboación negra», a cal a describiu como un ser de raza negra. Asbury engade:
«Segundo a versión branca da saga de Annie Christmas, esta foi asasinada nunha casa de xogo de Nova Orleáns, mais a tradición negra non aceptou un final tan banal. Así, de acordo con esta, quitouse a vida por amor».[5]
Os contos relatan como desafiaba as xerarquías de xénero tradicionais e as normas e expectativas do comportamento feminino. Bebía cantidades exorbitadas de alcol e impoñíase aos homes que desafiaban a súa autoridade. Levaba un colar de perlas, unha por cada vez que derrotara alguén que se atrevera a retala. Sendo solteira, tiña doce fillos que tripulaban o seu barco.[6][7][8] Morreu ao ser atacada por 100 homes que lle dispararon e a acoitelaron.[9][10]
Unha das personaxes da novelas 1993: Free Enterprise: A Novel of Mary Ellen Pleasant, da xamaicana Michelle Cliff, chámase Annie Christmas, probabelmente inspirada no folclore.[11]
Andrew Lloyd Webber e Jim Steinman escribiron unha canción sobre Annie Christmas para o musical Whistle Down the Wind (1996).
Notas[editar | editar a fonte]
- ↑ Johnson, Janet P. (1998). Keelboat Annie: an African-American Legend (en inglés). Ilustrado por Charles Reasoner. Mahwah, NJ: Troll. ISBN 9780816743476. OCLC 38472422.
- ↑ Botkin, Benjamin Albert (1949). A treasury of Southern folklore: stories, ballads, traditions, and folkways of the people of the South (en inglés). Crown. ISBN 9780517507674.
- ↑ Peck, Catherine, ed. (1998). A treasury of North American folktales (en inglés). Book-of-the-Month Club. ISBN 9780965057431.
- ↑ Hamilton, Virginia (1995). Her Stories: African American Folktales, Fairy Tales, and True Tales. (en inglés). Scholastic Inc. ISBN 9780590473705.
- ↑ Asbury, Herbert (2004). The Gangs of New Orleans (en inglés). Londres: Random House. pp. 82–83. ISBN 9780099455080.
- ↑ Stallings, LaMonda Horton (2007). Mutha' is half a word: intersections of folklore, vernacular, myth, and queerness in black female culture (en inglés). Ohio State University Press. ISBN 9780814272138.
- ↑ "Annie Christmas". Tall Tale Heroes (en inglés).
- ↑ Suter, Joanne (1992). World Myths and Legends: Regional American (en inglés). Simon & Shuster. ISBN 9780822446415.
- ↑ Nash, Jay Robert (1989). Encyclopedia of World Crime: A–C (en inglés). CrimeBooks. ISBN 9780923582005.
- ↑ Athey, Stephanie (2003). Sharpened Edge: Women of Color, Resistance, and Writing (en inglés). Praeger. ISBN 9780275959876.
- ↑ Willis, Charlotte Rene (2005). Myth and Memory: Reconstructing the feminine in Caribbean-American fiction (PDF) (en inglés). Canyon, TX: West Texas A&M University.