Ana Cibeira

Na Galipedia, a Wikipedia en galego.

Ana Cibeira, nada en Caracas en 1977, é unha poeta e artista do collage galega.

Traxectoria[editar | editar a fonte]

Nada en Caracas pero criada en Santiago de Compostela, reside en Madrid. É autora de tres poemarios en galego. Desde 2003 publica poemas en diversas revistas e fanzines de todo o Estado sendo incluída en antoloxías de poesía españolas. Forma parte do Grupo Bilbao de poetas galegos en Madrid. É editora de zines artísticos e creou o selo underground Corazón Salvaxe con Belinda Sobrado, baixo o que publicaron: Zapatiños motor, Rápido, rápido -xunto ao artista HAZ-, A vida violenta. Ten expostos collages, fotomontaxes e videopoemas en festivais ao longo da península.

Interesada na fusión das artes, formou parte da banda de collage musical Humor vítreo con Jose Atomizador (2010-2012), e dende o 2014 mantén con Ágata Ahora o proxecto Simulacro, onde verten o recitado dos textos literarios do seu libro Punk secreto mesturándoos con música e outros sons, cunha clara intención transmedia para que o resultado sobrepase o literario.

Filóloga de formación, escribe recensións literarias en distintos medios,cales? colabora en proxectos de edición, tradución e organización de obradoiros literarios, e ten traballado como profesora de literatura e libreira.

Ideou e dirixe o ciclo de recitais de poesía en Tinta Roja, onde a poesía galega ten un papel principal. Forma parte do equipo do magazine radiofónico Sangre Fucsia (Radio Ágora Sol / Eskalera Karakola) do que é cofundadora.

Obras[editar | editar a fonte]

Poesía[editar | editar a fonte]

  • Pintalabios, Toxosoutos, 2011
  • A morta, Barbantesa, 2012
  • Papilas analógicas. Paisaxe sur text (libro colectivo con Davidia Martín Saornil & Elia Maqueda), Progresele/ Diminutos Salvamentos, 2014

Antoloxías[editar | editar a fonte]

  • Letras novas, Asociación de Escritores en Lingua Galega, 2008
  • Marés nos pousos do café. Mostra de poetas de expresión galega en Madriddo (Grupo Bilbao), Edición de Xavier Frías, 2010
  • Sétimo andar, poesía alén, A porta verde do sétimo andar, 2010
  • Pegadas, A porta verde do sétimo andar, 2011
  • Madrid foi unha praia de baleas entre néboas. Poemario colectivo do Grupo Bilbao, Edición de Xavier Frías, 2011
  • Bilbao. Antoloxía de poesía galega en Madrid (Bilingüe), Editorial Amargord, 2012
  • Esferografías. Poemario colectivo do Grupo Bilbao, Lastura Ediciones, 2014
  • Fisterras. Antoloxía do Grupo Bilbao, Lastura Ediciones, 2015.

Ilustración[editar | editar a fonte]

  • Xoguetes póstumos, de Emma Pedreira, 2010, Caldeirón.
  • Desobediencia de Rosa Enríquez, A porta verde do sétimo andar, 2011.
  • Vitalie Rimbaud. Viaje a Londres, Edición de David Gonzalez, Baile del Sol, 2012.

Obras traducidas ao castelán[editar | editar a fonte]

Antoloxías[editar | editar a fonte]

  • Transgeneración 1.0. Encuentro de jóvenes poetas españolas, Centro Cultural Generación del 27, 2007.
  • Bilbao. Antología de poesía galega en Madrid (Bilingüe), Editorial Amargord, 2012.
  • Guía viva de ortodoxos y heterodoxos en la poesía contemporánea gallega, Edición de Antonino Nieto, Endymion, 2012.
  • Serial. Antología poética sobre series de televisión, Edición de Ana Santos Payán y Luna Miguel, El Gaviero, 2014.

Véxase tamén[editar | editar a fonte]

Ligazóns externas[editar | editar a fonte]