Illicium anisatum, coñecido en xaponés como shikimi e en moitas linguas co equivalente a anís estrelado xaponés, é unha especie de árbore pertencente á familia Illiciaceae.
É unha árbore similar ao badián (Illicium verum), pero os seus froitos non poden usarse na alimentación ou como medicina debido a que presentan unha toxicidade elevada, aínda que se queiman como incenso no Xapón.
Coñécense casos de enfermidade, incluíndo "efectos neurolóxicos serios", divulgados despois de ser usado té de anís estrelado, que poden ser un resultado de usar esta especie contaminando o anís estrelado. O anís estrelado xaponés contén anisatina, que causa a inflamación severa dos riles, do tracto urinario e dos órganos dixestivos.
J. F. Eykman: The Botanical Relations of Illicium Religiosum, Sieb., Illicium Anisatum, Lour.. In: American Journal of Pharmacy. 53, Nr. 8, 1881, S. 407
