Alpha Orionis
| Alpha Orionis | |||||||||
|---|---|---|---|---|---|---|---|---|---|
 | |||||||||
|
Parte de
| |||||||||
|
Época
| |||||||||
|
Idade estimada
10.000.000  | |||||||||
|
Constelación
| |||||||||
|
Clasificación espectral
M1-M2Ia-Iab | |||||||||
|
Tipo de estrela variable
| |||||||||
| Características orbitais | |||||||||
| Velocidade de rotación | 5 km/s | ||||||||
| Velocidade radial | 21,91 km/s | ||||||||
| Declinación do movemento propio | 11,3 mas/a | ||||||||
| Ascensión do movemento propio | 27,54 mas/a | ||||||||
| Ascensión recta | 88,792938991 ° | ||||||||
| Declinación | 7,407063995 ° | ||||||||
| Características físicas | |||||||||
| Radio | 640 R☉ | ||||||||
| Masa | 14 M☉ e 17,8 M☉ | ||||||||
| Gravidade superficial | 2,7 cm/s² | ||||||||
| Distancia da Terra | 548 a.l. | ||||||||
| Magnitude aparente | 0,42, 4,38, 2,27, −1,17, −2,45, −3, −3,73 e −4,05 | ||||||||
| Magnitude absoluta | −5,14 | ||||||||
| Luminosidade | 60.000 L☉ | ||||||||
| Temperatura efectiva | 3.654 K | ||||||||
| |||||||||
| Wikidata G:Commons C:Commons | |||||||||
Alpha Orionis (α Orionis / α Ori) ou máis coñecida coma Betelgeuse, é unha gran estrela vermella na constelación de Orión. É a décima estrela máis brillante no ceo, unha superxigante vermella. A cor característico desta estrela provén das baixas temperaturas do seu exterior (uns 3.000 K) e amosa que a estrela esgotou xa a maior parte do combustible nuclear que lle proporciona a súa enerxía (fusión do hidróxeno), polo que se atopa ao final da súa vida. As súas variacións de luminosidade indican tamén que se atopa lonxe da secuencia principal.
Betelgeuse e unha estrela xigante, razón pola que o seu brillo é tan elevado a pesar de atoparse a unha temperatura relativamente baixa. Non obstante, e malia ser a estrela α de Orión, non é a máis brillante, sendo Rigel, coñecida como β Orionis a estrela máis brillante da constelación.
Características
[editar | editar a fonte]Betelgeuse é unha estrela xigante vermella, e unha das maiores estrelas coñecidas, sendo de grande interese para a astronomía. O diámetro angular de Betelgeuse foi medido pola primeira vez en 1920-1921 por Michelson e Pease, sendo unha das cinco primeiras a seren medidas usando un interferómetro no telescopio de 100 polgadas do Observatorio de Monte Wilson. Seu diámetro varía entre 500 e 900 veces o do Sol, dependendo do seu ciclo principal, na actualidade calcúlase un ciclo principal de 400 días. No diámetro máximo, a estrela seria maior que a órbita de Saturno, se colocada no lugar do Sol. A pesar de ser apenas 15 veces máis masiva que o Sol, é decenas de millóns de veces maior en volume, como unha bóla de fútbol comparada a un grande estadio de fútbol. A súa proximidade a Terra, atópase a 700 anos luz do noso planeta, e o seu enorme tamaño, fan dela a estrela co terceiro maior diámetro angular, vista dende a Terra[1], menor apenas que o Sol e R Doradus. É unha das 12 estrelas cuxo brillo real os telescopios actuais poden visualizar.
Supernova
[editar | editar a fonte]Os astrónomos prevén que Betelgeuse pode pasar por unha explosión supernova tipo II. Porén, as opinións están divididas canto ó momento en que isto pode ocorrer. Algúns suxiren que a variabilidade actual é un sinal de que xa está na fase de queima de carbono de seu ciclo de vida, e debe sufrir unha explosión supernova aproximadamente nos próximos mil anos. Outros escépticos discordan dese punto de vista e afirman que a estrela debe sobrevivir moito máis tempo. Hai consenso sobre o feito de que a supernova sería un evento astronómico espectacular, pero non significaría ameaza para a vida na Terra, dada a enorme distancia da estrela. A estrela volveríase polo menos 10.000 veces máis brillante, o que significa un brillo equivalente ó dunha lúa crecente. Algúns cren que pode chegar ó brillo dunha lúa chea (mv = -12.5). Ese fenómeno duraría algúns meses, parecendo unha pequena lúa chea da cor dunha lámpada incandescente á noite e facilmente visible durante o día. Logo dese período a estrela apagaríase gradualmente ata que tras algúns meses ou anos desapareza completamente e Orión perda o ombro esquerdo.
Notas
[editar | editar a fonte]- ↑ Bedding, T.R.; et al. (1997). "The angular diameter of R Doradus: a nearby Mira-like star". Monthly Notices Royal Astronomical Society, (en inglés). Arquivado dende o orixinal o 09 de xullo de 2012. Consultado o 13 de decembro de 2006.
