Allahabad

Na Galipedia, a Wikipedia en galego.
Saltar ata a navegación Saltar á procura

Allahabad (Hindi: इलाहाबाद, Urdú اله اباد ilāhābād) é unha cidade do estado de Uttar Pradesh, India. No ano 2005 tiña 1 078 658 habitantes.

Localizada no sur do estado na confluencia do río Ganxes e o Yamuna. A cidade moderna está no sitio da antiga cidade santa de Prayaaga, e é un dos lugares de Kumbha Mela (peregrinación hindú), con grande importancia na relixión hindú.

O nome, co significado de cidade de Deus, deullo o emperador mogol Akbar no ano 1583 baixo a forma de al-Ilhahabad. En 2018 foi renomeada como Prayagrah.

Allahabad foi a capital das Provincias Unidas durante o mandato británico, ata a década de 1920. A Universidade de Allahabad tiña gran prestixio a comezos do século XX, coñecida como a Oxford do leste.