Adolf Schmal

Adolf Schmal
	;
Biografía
Nacemento	(de) Felix Adolf Schmal ; 18 de setembro de 1872 ; Dortmund, Alemaña
Morte	28 de agosto de 1919 (46 anos); Salzburgo, Austria
Actividade
Ocupación	esgrimista, ciclista, xornalista
Pseudónimo literario	Filius ; Schmal-Filius
Deporte	esgrima ; ciclismo de competición
-
Traxectoria
Participou en
6 de abril de 1896	Xogos Olímpicos de 1896 (4º)
6 de abril de 1896	Xogos Olímpicos de 1896
6 de abril de 1896	Xogos Olímpicos de 1896 (3º) (medalla de bronce olímpica)
6 de abril de 1896	Xogos Olímpicos de 1896 (3º) (medalla de bronce olímpica)
6 de abril de 1896	Xogos Olímpicos de 1896 (1º) (medalla de ouro olímpica)
Familia
Irmáns	Felix Schmal
Descrito pola fonte	Obálky knih,

Adolf Schmal, nado en Dortmund o 18 de setembro de 1872 e finado en Salzburgo o 28 de agosto de 1919, foi un tirador de esgrima, ciclista e xornalista deportivo austríaco.

Adolf Schmal era coñecido como tirador da modalidade de sabre. Nos Xogos Olímpicos de 1896 Schmal xa tiña dúas vitorias e estaba en clara vantaxe cando, segundo conta John MacAloons no seu libro This Great Symbol. Pierre de Coubertin and the Origins of the Modern Olimpic Games (1981), fixo a súa entrada no estadio o rei grego e o torneo quedou anulado, volvendo a empezar e nesta segunda volta gañou só a Georgios Iatridis, quedando cuarto sobre cinco participantes.

Días despois deron comezo as probas ciclistas no Velódromo Neo Phaliron, quedando terceiro en 333 metros contra reloxo e 10 quilómetros pero o seu mellor resultado veu dous días despois ao gañar a proba de 12 horas, ao cubrir 314'997 km. Sobre a súa participación nos olimpiadas escribiu unhas memorias Wie ich einen olympischen Lorbeer verlor - und einen gewann que se publicaron en 1919. Despois de rematar a súa carreira atlética dedicouse ao automobilismo e co pseudónimo de "Filius“ e máis tarde de Schmal-Filius, converteuse nun dos xornalistas do motor máis importantes de Austria. Foi editor do Illustrierten Allgemeinen Radfahrerzeitung^[1], foi cofundador con Felix Sterne, e director entre 1900 e 1919, do Allgemeine Automobil-Zeitung.

Obras

Ohne Chauffeur. Ein Handbuch; 1904
Die Kunst des Fahrens
Eine Automobil-Reise durch Bosnien, die Hercegovina und Dalmatien. 1908

Notas

↑ Volker Kluge: Olympische Sommerspiele – Die Chronik I. Sportverlag, Berlin 1997, ISBN 3-328-00715-6, S. 39

[Kluge-1] Volker Kluge: Olympische Sommerspiele – Die Chronik I. Sportverlag, Berlin 1997, ISBN 3-328-00715-6, S. 39

[1]