Abuín, Leiro, Rianxo
| Abuín | |
|---|---|
 Zona nova de Abuín, en desenvolvemento. | |
| Parroquia | Leiro |
| Concello | Rianxo |
| Coordenadas | 42°38′43″N 8°47′12″O / 42.645389743589, -8.7867384866002 |
| Poboación | 110 hab. (2013) |
| [ editar datos en Wikidata ] | |
Abuín é un lugar da parroquia de Leiro, no concello de Rianxo. Segundo o padrón municipal (INE 2013) ten 110 habitantes (49 homes e 61 mulleres).
Historia
[editar | editar a fonte]O primitivo asentamento de Abuín foi abandonado a partir dos séculos XIV-XVI, posiblemente porque morrera a maioría dos habitantes a consecuencia dalgunha epidemia de peste bubónica. Aínda así corren distintas lendas que atribúen o abandono do lugar ós ataques dos viquingos, teoría improbable, ou a unha maldición por cousa do tesouro que os veciños roubaran no mosteiro da Armenteira e entregaran ó cura para que o agochara. O cura morreu esa noite e seguíronlle numerosos veciños ó pouco tempo. Aínda que intentaron recupera-lo tesouro para devolvelo ó mosteiro, e así zafarse da maldición, nunca foi atopado e os poucos que sobreviviron tiveron que fuxir. Desta lenda vénlle o nome popular de "Aldea maldita".
Castelao recolleu esta lenda nunha das súas Cousas, baixo o título de "A aldea esquecida" [1], como unha historia que lle contara a súa avoa. Tamén está inspirada nesta lenda a novela O alento nas costas, de Natalia Carou[2].
Galería de imaxes
[editar | editar a fonte]-
Ruínas da "Aldea maldita". -
Outra das casas abandonadas.
Lugares e parroquias
[editar | editar a fonte]Lugares de Leiro
[editar | editar a fonte]| Lugares da parroquia de Leiro no concello de Rianxo (A Coruña) | |
|---|---|
|
Abuín | Brión | Cabanas | A Igrexa | Meiquiz | Or | Palleiro | A Pedreira | Rañó | Rial |
Parroquias de Rianxo
[editar | editar a fonte]| Galicia | Provincia da Coruña | Parroquias de Rianxo | |
|---|---|
|
O Araño (Santa Baia) | Asados (Santa María) | Isorna (Santa María) | Leiro (Santa María) | Rianxo (Santa Comba) | Taragoña (San Salvador) |
Notas
[editar | editar a fonte]- ↑ Publicada previamente, se ben de forma esquemática, en Nós 30.12.1920.
- ↑ "Carou Figueira, N. (2012). O alento nas costas. A Coruña: Baía Edicións". Arquivado dende o orixinal o 23 de setembro de 2015. Consultado o 03 de outubro de 2012.
Véxase tamén
[editar | editar a fonte]Bibliografía
[editar | editar a fonte]- Marta Gómez: "Siglos de miedo en una aldea de Rianxo" en La Voz de Galicia, 19.10.2008.
- Marta Gómez: "La maldición de Abuín" en La Voz de Galicia, 26.10.2008.