A Severa

Na Galipedia, a Wikipedia en galego.
A Severa
Nome completoMaria Severa
Data nacemento1820
Nado enLisboa Portugal
Falecemento30 de novembro de 1846
 Lisboa
Causatuberculose
Ocupacióncantante e prostituta
Xénerofado
Instrumento(s)voz
Na rede
WikiTree: Onofriana-1
editar datos en Wikidata ]

Maria Severa, nada en Lisboa en 1820 e finada o 30 de novembro de 1846, foi unha cantante portuguesa de fado, considerada a mítica fundadora deste estilo[Cómpre referencia], caracterizada polos seus fados lisboetas.

Traxectoria[editar | editar a fonte]

A Severa naceu en Lisboa, no barrio da Madragoa. Era filla de Severo Manuel e Ana Gertrudes. A súa nai era propietaria dunha taberna, e era alcumada A Barbuda, debido á barba que tiña na cara.

A Severa era unha prostituta alta e graciosa, que cantaba o fado (especialmente nunha taberna da Rúa do Capelão). Tivo varios amantes coñecidos, entre eles o Conde de Vimioso (Don Francisco de Paula Portugal e Castro), que ó parecer quedaba enfeitizado pola forma como cantaba e tocaba a guitarra, levándoa frecuentemente ós touros.

Morreu de tuberculose en 1846 na rúa do Capelão, na Mouraria (Lisboa), sendo sepultada no camposanto do Alto de São João nunha foxa común.

A súa fama débese en boa parte a Júlio Dantas, que escribiu a novela A Severa. A obra foi levada ó teatro en 1901, e foi adaptada para facer a primeira película sonora portuguesa, realizada por Leitão de Barros en 1931.

Véxase tamén[editar | editar a fonte]

Ligazóns externas[editar | editar a fonte]