A Peneda Cabezuda

Na Galipedia, a Wikipedia en galego.
Saltar ata a navegación Saltar á procura

Coordenadas: 42°33′28.6″N 7°47′32.9″O / 42.557944, -7.792472

Vista da Peneda Cabezuda, na que se enxerga a forma dunha cabeza humana.

A Peneda Cabezuda é un con situado no monte da Serra, na estrema entre os concellos de Chantada e Carballedo e próxima a Milleirós e O Barrio de Puga[1].

Características[editar | editar a fonte]

O nome de Peneda Cabezuda vénlle de que se pode ver o perfil dunha cabeza humana situándose nunha posición determinada. Moi próximas están a Pena da Casa, a Pena da Barca e a Pedra da Marrá, unha peneda cortada pola metade.

Cultura popular[editar | editar a fonte]

Segundo a tradición oral, unha moura viña fiando na roca e pousou alí o que traía na cabeza, de aí a peneda. Na década de 1940 os soldados poñían a bandeira de España nos sitios chamativos, e A Peneda Cabezuda era un deles.[2]. Cóntase tamén que nela estiveron os mouros e que nela se atopaba ouro[3]

Notas[editar | editar a fonte]

  1. "Visitamos os petróglifos do monte da Serra...". Televinte. Consultado o 06/02/2018. 
  2. "A Peneda Cabezuda". Os Parentes SCG. Consultado o 06/02/2018. 
  3. "Pedras". Galicia Encantada. Consultado o 06/02/2018. 

Galería de imaxes[editar | editar a fonte]

Perfil de cabeza humana na Peneda Cabezuda 
Detalle da Peneda Cabezuda 
Vista do conxunto da Peneda Cabezuda 
Pedra da Marrá e Peneda Cabezuda ao fondo 
Detalle da Pedra da Marrá xunto á Peneda Cabezuda 
Vista das terras de Carballedo desde a Peneda Cabezuda