A Paz insta ás igrexas á tolerancia
| A Paz insta ás igrexas á tolerancia | |
|---|---|
 | |
| Artista | Anónimo |
| Data | 1600 - 1624 |
| Técnica | óleo sobre lenzo |
| Dimensións | 131,5 cm cm × 162,5 cm cm |
| Localización | Rijksmuseum (Ámsterdam) |
A Paz insta ás igrexas á tolerancia (en neerlandés: 'Vrede maant de kerken tot verdraagzaamheid') é unha pintura dun artista neerlandés anónimo da primeira metade da década de 1600. Pertence ó Rijksmuseum de Ámsterdam, deixado en préstamo ó Museo Catharijneconvent de Utrecht.
Descrición[editar | editar a fonte]
Nunha escena interior atópanse arredor dunha mesa Jean Calvin cun tenreiro asado, á súa esquerda o Papa sostendo unha ola e con dous gatos no colo, ó outro lado do papa, tamén sentado Martiño Lutero tocando o laúde. A carón dunha cheminea, de xeonllos, pódese ver ó anabaptista Menno Simons con pan nunha bandexa. Á esquerda da pintura está a personificación feminina da Paz cunha póla de oliveira na man. Na estancia hai pendurados dous cadros: sobre o armario da dereita a caridade cos seus fillos. Na parede do fondo está representada a Paz xunto coa xustiza. Arredor da escena central amósanse textos explicativos en verso.[1]
Mercado en 1968 de xeito anónimo en Francia polo coleccionista Bosman de Bruxelas, foi doado o mesmo ano ó Rijksmuseum de Ámsterdam, dende o ano 1977 está prestado ó Museo Catharijneconvent, de Utrecht.[2]
Notas[editar | editar a fonte]
- ↑ Rijksmuseum (ed.). "De Vrede maant de kerken tot verdraagzaamheid" (en neerlandés). Consultado o 28 de xuño de 2016.
- ↑ RKD (ed.). "Anoniem Noordelijke Nederlanden (hisstoriche regio)" (en neerlandés). Consultado o 28 de xuño de 2016.
