Ángel Rebolo

Ángel Rebolo
Información persoal
Nacemento	22 de xuño de 1975 (48 anos); Lugo, Galiza
Altura	1,74 m (5 ft 9 in)
Posición	Ala
Información da carreira
Canteira	Club Estudiantes Lugo; CB Breogán
Historial de equipos
	DYC Breogán (1990–1991)

Ángel Ramiro Rebolo Rodríguez, nado en Lugo o 22 de xuño de 1975,^[1] é un ex-xogador e profesional de baloncesto galego. Cunha altura de 1,74 m, xogaba na posición de base. Chegou a debutar na Liga ACB con 15 anos da man do Club Baloncesto Breogán, foi no seu momento o xogador máis novo da historia en debutar na Liga ACB, sendo actualmente o segundo só superado por Ricky Rubio.^[2]

Traxectoria[editar | editar a fonte]

Nado en Lugo, Rebolo formouse na canteira do principal club da súa cidade natal, o Club Baloncesto Breogán. Unha lesión dun dos bases do primeiro equipo, que naquela altura competía na Liga ACB, a máxima categoría do baloncesto español, levou ao xogador a debutar na competición con 15 anos, 3 meses e 7 días de idade. O seu debut produciuse na terceira xornada de competición no Pavelló Font de Sant Lluís ante o Pamesa Valencia. Naquel momento foi o xogador máis novo en debutar na ACB, sendo superado ao longo dos anos tan só por Ricky Rubio. Despois dese primeiro encontro, participou en 5 máis. Con todo, ao final da temporada decidiu non continuar co baloncesto profesional ao sentirse desbordado e moi presionado pola situación.^[3]