Voo 253 de Aeropostal (novembro de 1956)
| Voo 253 de Aeropostal | |
|---|---|
 Constellation semellante ao accidentado
| |
| Resumo | |
| Data | 27 de novembro de 1956 |
| Causa | voo controlado contra o terreo |
| Lugar | a 18 km do aeroporto de Caracas |
| Coordenadas | |
| Orixe | aeroporto Idlewild |
| Destino | aeroporto de Caracas |
| Finados | 25 |
| Aeronave | |
| Tipo de aeronave | Lockheed L-749 Constellation |
| Operador | Aeropostal |
| Rexistro | YV-C-AMA |
| Pasaxeiros | 18 |
| Tripulación | 7 |
| Superviventes | 0 |
O voo 253 de Aeropostal era un servizo regular internacional de pasaxeiros entre o aeroporto internacional Idlewild e o aeroporto internacional de Caracas operado por un Lockheed L-749 Constellation, con rexistro YV-C-AMA o día 27 de novembro de 1956. O avión, pilotado polo capitán francés Marcel Combalbert, esnafrouse contra unha montaña preto de Caracas. Os 25 pasaxeiros e tribupantes a bordo morreron.
Accidente[editar | editar a fonte]
O voo 253 estaba voando cara a unha tormenta de chuvia cando se aproximaba ao aeroporto de Caracas. Estaba a uns 18 quilómetros da pista cando o aparello chocou contra a crista sur do Cerro El Ávila a 6 700 pés de altitude.
Dez estadounidenses morreron no accidente.[1] O xogador de béisbol dos St. Louis Cardinals Charlie Peete, a súa muller Nettie, e os seus tres fillos pequenos estaban entre as vítimas. Peete estaba viaxando a Venezuela para xogar en inverno alí.
Para recuperar os corpos usáronse teleféricos.[2]
Causa[editar | editar a fonte]
A causa probable do accidente foi determinada como: "Os manuais de adestramento de voo instrumental amosaban que Línea Aeropostal Venezolana aprobara un procedemento para entrar a Maiquetia en condicións semi-IFR. Este procedemento consiste en manter un nivel de voo mínimo de 10 000 pés ata a estación (Miq 292.5), despois xirar ao norte sobre este punto e continuar nunha dirección de 360º durante 4 minutos seguido dun descenso estándar ata os 1 200 pés sobre o nivel do mar ata establecer contacto, e un regreso ao aeródromo baixo regras VFR. É obvio que o piloto ao mando non cumpriu totalmente este procedemento e, despois de acumular erros na estimación da súa velocidade, esforzouse en facer unha aproximación directa que demostrou ser fatal debido á súa altura no momento do último informe non era suficiente para cruzar o Cerro El Ávila contra o que chocou".[3]
Notas[editar | editar a fonte]
- ↑ "Ten Americans dead in crash". The Victoria Advocate. Victoria, TX. AP. 1956-11-28. p. 1
- ↑ "Recover all bodies from Caracas wreck". Lewiston Evening Journal. 28 de novembro de 1956.
- ↑ Ranter, Harro. "ASN Aircraft accident Lockheed L-749-79 Constellation YV-C-AMA Caracas Airport (CCS)". aviation-safety.net. Consultado o 2019-01-29.
