Voo 222 de TANS Perú
| Voo 222 de TANS Perú | |
|---|---|
 O avión accidentado en 1998
| |
| Resumo | |
| Data | 9 de xaneiro de 2003 |
| Causa | voo controlado contra o terreo |
| Lugar | Chachapoyas |
| Coordenadas | Coordenadas: 6°01′25″S 78°02′50″O / -6.0236111111111, -78.047222222222 |
| Orixe | aeroporto Jorge Chávez |
| Destino | aeroporto de Chachapoyas |
| Finados | 46 |
| Aeronave | |
| Tipo de aeronave | Fokker F28-1000 Fellowship |
| Operador | TANS Perú |
| Rexistro | OB-1396 |
| Pasaxeiros | 41 |
| Tripulación | 5 |
| Superviventes | 0 |
O voo 222 de TANS Perú era un servizo entre o aeroporto Jorge Chávez de Lima e o aeroporto de Chachapoyas, cunha escala no aeroporto Capitán FAP José A. Quiñones de Chiclayo. O día 9 de xaneiro de 2003 o Fokker F28-1000 Fellowship que operaba a ruta esnafrouse preto de Chachapoyas mentres se aproximaba ao aeroporto. Ningún dos 46 pasaxeiros e tripulantes a bordo sobreviviu.
Avión[editar | editar a fonte]
O aparello era un Fokker F28-Mk1000 fabricado en 1971, co número de serie 11100 e rexistro OB-1396. Ata 1995 este F-28 fora usado como un dos transportes presidenciais con configuración VIP, para voos internos e curtos, antes de ser substituído por un Boeing 737-500.
Accidente[editar | editar a fonte]
O voo 222 deixou Chiclayo tras unha escala ás 8:17 en dirección Chachapoyas, e pasou ao nivel de voo 190 seguindo a aerovía V-3. Ás 8:32 virou ao curso 060 e comezou a descender ao nivel 130. Sobre as 8:45 o Fokker chocou contra o Cerro Collorque a unha altitude de 3 450 metros, a só 35 metros por debaixo do seu cumio.[1] Os equipos de rescate non atoparon os restos ata dous días despois. Ningún dos seus ocupantes sobreviviu xa que o avión quedou pulperizado tras o choque contra unha parede de roca vertical.[2]
Notas[editar | editar a fonte]
- ↑ "Informe do accidente" (PDF). Comisión de Investigación de Accidentes de Aviación. Archived from the original on 30 de xullo de 2013. Consultado o 2019-1-23.
- ↑ Ranter, Harro. "ASN Aircraft accident Fokker F-28 Fellowship 1000 OB-1396 Chachapoyas". aviation-safety.net. Consultado o 2019-01-22.
