Chachapoyas

Na Galipedia, a Wikipedia en galego.
Vista aérea da cidade de Chachapoyas.

Chachapoyas é unha cidade do norte de Perú, capital da provincia de Chachapoyas e do Departamento de Amazonas, situada na vertente oriental da Cordilleira dos Andes, nun altiplano da cunca do río Utcubamba, afluente do río Marañón. Segundo o censo peruano de 2007, a poboación da cidade era de 23 202 habitantes.

A cidade mantén aínda o carácter colonial nas súas construcións e conta coa Universidade Nacional Toribio Rodríguez de Mendoza de Amazonas.

Toponimia[editar | editar a fonte]

Chachapoyas provén do vocablo nativo sachapuyos que significa homes da néboa, atribuíndolle este nome debido á densa brétema que habitualmente cobre o cerro de Puma Urco, que se atopa nas inmediacións da cidade.

Historia[editar | editar a fonte]

Berce da cultura chachapoyas, a cidade foi sometida polo Imperio Incaico no século XV e posteriormente, tras a conquista, foi novamente fundada polos españois co nome de San Juan de la Frontera de los Chachapoyas por Alonso de Alvarado o 5 de setembro de 1538.[1] Desa época datan a súa praza de Armas e as pequenas rúas empedradas que se conservan hoxe en día. Foi pensada para constituírse como capital do oriente peruano desde a marxe dereita do río Marañón. En 1821 derrotaron nela os patriotas peruanos aos realistas, converténdose de inmediato (1832) na capital dun dos primeiros departamentos.

Notas[editar | editar a fonte]

  1. Enciclopedia Temática del Perú. TOMO V: Geografía, Carlos Peñaherrera. Lima, Orbis Ventures, 2004.

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Chachapoyas