Uxmal

Na Galipedia, a Wikipedia en galego.
Panorámica do conxunto arqueolóxico
A pirámide do adiviño

Uxmal era unha antiga cidade maia localizada a 78 Km ao sur de Mérida, capital do estado de Iucatán en México. Sobresae pola súa monumentalidade, sendo a segunda máis visitada do estado, despois de Chichén Itzá.

O nome Uxmal ao parecer é o topónimo do maia iucateco ox, que quere dicir tres e mal, facendo referencia a un labor que se repite. Por iso, o significado de Uxmal podería ser "3 veces construída ou ocupada"

Na zona sobresaen:

  • As estruturas do pazo do gobernador.
  • A pirámide do adiviño (con case 40 metros de altura).
  • O cuadrilátero das monxas.
  • O pombal.
  • O xogo da pelota.

A ocupación de Uxmal prodúcese no 800 a.C., segundo fragmentos de cerámica atopados na zona, até o ano 1200 cando se produciu unha repentina caída do desenvolvemento económico rexional que desembocou no abandono da cidade.

Commons
Commons ten máis contidos multimedia sobre: Uxmal