Raksha Bandhan
O Raksha Bandhan (en sánscrito रक्षाबन्धनम्) é un festival hinduísta e xainista. A tradición hinduísta celebra o amor e as obrigas entre irmáns e irmás, e tamén as relacións entre homes e mulleres, familiares ou non, que teñen unha forte amizade como se fosen irmán e irmá. En moitas partes da India coñécese como Rakhi Purnima, ou simplemente Rakhi.[1] A tradición xainista celebra o día no que os monxes Akampanacharya, Shrutsagar e Vishnu Kumur ao manter o seu estado de contemplación foron quen de parar a tortura física á que estaban sendo sometidos eles e os seus discípulos [2] Raksha Bandhan é un día festivo nalgunhas partes da India, como Andhra Pradesh, Guxarat, Madhya Pradesh, Bengala Occidental, Raxastán, Uttarakhand, Uttar Pradesh, Jharkhand, Bihar, Haryana, Orissa, Punjab, Maharashtra e Telangana, así como no Nepal e celébrana hinduístas e xainistas noutras partes do mundo. O festival cae o día de lúa chea (Shravan Poornima) do mes de shravan segundo o calendario lunisolar hinduísta.[3]
Notas[editar | editar a fonte]
- ↑ K. Moti Gokulsing, Wimal Dissanayake (2009). Taylor & Francis, 2009, ed. Popular culture in a globalised India. ISBN 978-0-415-47667-6.
- ↑ "Jain Raksha Bandhan: Celebration of self-protection through spiritual powers" Arquivado 28 de agosto de 2015 en Wayback Machine., Merinews, 21 de agosto de 2013
- ↑ S. Sehgal (1999), Encyclopaedia of Hinduism, Vol 3, ISBN 978-8176250641, pp 536-537