Propiedades químicas
As propiedades químicas son as propiedades dun material evidentes durante ou tras unha reacción química, é dicir, calquera cualidade que pode establecerse só cambiando a identidade química dunha substancia.[1] As propiedades químicas non poden determinarse só pola observación ou tacto da substancia, e para investigalas hai que afectar á estrutura química interna desta. Cando unha substancia se somete a unha reacción química, as súas propiedades cambian de forma drástica, dando lugar a un cambio químico.
As propiedades químicas poden contrastarse coas propiedades físicas, que poden observarse sen modificar a estrutura química da substancia. As propiedades químicas utilízanse para a determinación de clasificacións químicas e son útiles para identificar substancias descoñecidas ou purificar outras substancias. A ciencia dos materiais habitualmente ten en consideración as propiedades quimicas dun material para determinar os seus usos.
Notas[editar | editar a fonte]
- ↑ William L. Masterton, Cecile N. Hurley, "Chemistry: Principles and Reactions", 6th edition. Brooks/Cole Cengage Learning, 2009, p.13 (Google books)
Véxase tamén[editar | editar a fonte]
 |
Wikimedia Commons ten máis contidos multimedia na categoría: Propiedades químicas  |
|
Este artigo sobre química é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |