Praia de Poniente, Xixón
| Praia de Poniente, Xixón | |
|---|---|
 Praia de Poniente | |
| Coordenadas: 43°32′30″N 5°40′26″O / 43.541642, -5.673923 |
A praia de Poniente, tamén coñecida como praia do Nataoyo ou de Pando, é unha das tres praias urbanas coas que conta a cidade de Xixón, situada en Asturias. As outras dúas son a de San Lorenzo e a do Arbeyal mentres que o concello de Xixón conta con outras seis. É de carácter artificial e foi creada a mediados da década de 1990.
Atópase na zona oeste da cidade, na zona do barrio de Poniente, co porto deportivo como límite oriental e o barrio do Natahoyo como límite occidental. Ten unha lonxitude duns 500 metros e unha superficie duns 140.000 metros cadrados en baixamar e uns 60.000 en preamar. É moi concorrida e de fácil acceso, cunha ampla escalinata central e acceso para persoas con dificultades de mobilidade, e con presenza do equipo de salvamento en tempada estival.
