John White
| Biografía | |
|---|---|
| Nacemento | 15 de xuño de 1973  (50 anos)Mount Isa, Australia (pt)  |
| Datos persoais | |
| Residencia | Filadelfia |
| País de nacionalidade | Australia |
| Actividade | |
| Ocupación | xogador de squash |
| Deporte | Squash |
John White, nado en Mount Isa (Queensland) o 15 de xuño de 1973, é un ex-xogador de squash escocés, que foi número 1 do mundo entre marzo e abril de 2004.
Traxectoria[editar | editar a fonte]
Comezou a xogar a squash influído polos seus pais, xogadores amadores e súa nai tamén traballaba nun club de squash[1]. Malia nacer e criarse en Australia, nas competecións internacionais sempre representou a Escocia. En 1991 comezou a súa etapa como xogador profesional de squash en Europa mais non foi ata 1997 que logrou a súa primeira vitoria, no circuíto italiano[2]. White terminou subcampión no World Open e máis no British Open en 2002. Gañou o título de PSA Masters en 2003 ao bater a Thierry Lincou por 15–8, 17–15 e 17–16. Tamén gañou o campionato británico en 2004 logo de vencer a Lee Beachill por 17–16, 17–14, 14–15 e 15–8. En marzo de 2004 acadou o liderado mundial
Coñécese a White pola forza das súas batidas na bóla, con velocidades moitas veces por riba de 266 km/h. Un dos seus saques chegou a 273,5 km/h no Canary Wharf Squash Classic de 2004 e permaneceu como mellor marca ata o 3 de outubro de 2011 ao chegar unha bóla de Cameron Pilley aos 281,6 km/h no US Open[3].
En 2007 White asumiu o posto de director de squash e adestrador xefe do Franklin & Marshall College en Lancaster en Pensilvania. No ano seguinte retirouse da alta competición logo de perder diante James Willstrop na segunda rolda do Campionato do Mundo[4].
Dende 2011 White é adestrador principal dos equipos universitarios de squash masculino e feminino da Universidade Drexel en Filadelfia[5].
Notas[editar | editar a fonte]
- ↑ "Great White Calls it a Career". Squash Magazine. 1 de xullo de 2009.
- ↑ "John White. Tournament Successes". Squash Player. 1 de abril de 2002.
- ↑ Noah Davis (13 de decembro de 2016). "How to Hit a Squash Ball Harder Than Anyone Else on Earth". New York (magazine).
- ↑ "John White Retires From Professional Circuit". Franklin & Marshall College Athletics. 26 de outubro de 2008. Arquivado dende o orixinal o 12 de febreiro de 2018. Consultado o 14 de decembro de 2022.
- ↑ "Johan White". Drexel Dragons.