Iberostar Estadi

Na Galipedia, a Wikipedia en galego.

Coordenadas: 39°35′24″N 02°37′48″E / 39.59000°N 2.63000°E / 39.59000; 2.63000

Iberostar Estadi
Son Moix - 003.jpg
Iberostar Estadi, anteriormente chamado Son Moix e Ono Estadi.
Datos
Localización Palma, España Flag of Spain.svg
Construción
Inauguración xuño de 1999
Estadio
Superficie Pasto
Dimensións 105 x 68 m
Capacidade 23.142
Propietario PalmaAjuntament de Palma
Localía RCD Mallorca
Eventos
Universíada de 1999

O Iberostar Estadi[1] (orixinalmente Son Moix; máis tarde Ono Estadi por motivos de patrocinio) é un estadio de fútbol situado na cidade de Palma, nas Illas Baleares.

Son Moix foi construído para a celebración da Universiada en Palma en 1999. É o estadio onde disputa os partidos o RCD Mallorca desde o ano 1999, xa que o club conseguiu chegar a un acordo co concello da cidade para a súa explotación con fins deportivos por un período de 50 anos. Desde 2010 leva o nome da cadea hoteleira Iberostar tras un acordo comercial co RCD Mallorca de tres anos de duración.[1]

O estadio está situado no Camí dels Reis s/n no polígono industrial Can Valero de Palma, a uns 3 quilómetros do centro da cidade.

Instalacións[editar | editar a fonte]

Ten capacidade para 23.142 espectadores e ten unhas dimensións de 105 x 68 metros. O estadio dispón de 2000 focos de luces, zona de prensa de 150 metros cadrados e capacidade para albergar uns 300 xornalistas. A zona de aparcadoiros dispón de 1.500 m² para unidades móbiles de televisión, 40 prazas para prensa e 2700 para público en xeral. Nesta tempada construíronse unhas bancadas supletorias que están xusto debaixo da tribuna cuberta, e tamén agrandaron o palco presidencial.

Novo estadio[editar | editar a fonte]

O RCD Mallorca presentou o seu proxecto para a construción dun novo estadio de 40.000 espectadores para o club. Trátase dun proxecto do Estudo Lamela que inclúe, ademais do novo estadio, a construción de 3 rañaceos de 34, 22 e 16 plantas, chegando o maior deles a alcanzar os 160 metros de altura.

As torres terían un espazo total de 200.000 m² e contarían con centro de convencións, centro comercial e un gran parking.

Aínda non se coñece cal podería ser o emprazamento, xa que ademais do lugar que ocupa o actual estadio do club (propiedade municipal), a entidade propón outras 4 posibles localizacións. As institucións con todo prefiren que o estadio quede onde está, aínda que se que se mostran receptivas ao proxecto e as torres.

Notas[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Iberostar Estadi