Gaio
Na Galipedia, a wikipedia en galego.
| Gaio | ||||||||||||
|---|---|---|---|---|---|---|---|---|---|---|---|---|
 |
||||||||||||
| Estado de conservación | ||||||||||||
|
||||||||||||
| Clasificación científica | ||||||||||||
|
||||||||||||
| Nome científico | ||||||||||||
| Garrulus glandarius | ||||||||||||
 Coñeza toda a Bioloxía en Wikispecies, o directorio dos seres vivos |
O gaio ou pega marza (Garrulus glandarius), é un córvido espallado amplamente pola rexión paleártica. Son aves máis axiña solitarias, agás na época reprodutora.
Índice |
[editar] Descrición
Os gaios miden entre 32 e 35 cm. de lonxitude e teñen unha envergadura de alas duns 53 cm. O seu peso é aproximadamente de 170 g. A extensión do territorio polo que se espalla a especie provoca diferencias notabeis de coloración entre as distintas subespecies. As formas típicas teñen a plumaxe castaña rosada, coa parte superior das alas azul clara con bandas negras. A parte inferior do lombo e as plumas inferiores da cola, que é negra, son brancos, moi visibles estas últimas cando voan. A cabeza, que ten plumas erectiles que poden erguerse formando unha pequena crista, ten un raiado branco e negro. Da base do pico parte unha lista negra a xeito de bigote. Os exemplares novos teñen menos estrías brancas e negras na cabeza cós adultose e o "bigote" menos marcado.
O canto é moi variado, e vai dende berros estridentes, roucos, fortes e breves, a asubíos e mesmo en ocasións parece que mían. O seu berro de alarma, áspero, é moi audible e úsano frecuentemente para avisar da presencia de intrusos, incluíndo o home. Os gaios son capaces de imitar os cantos doutras aves e poden mesmo copiar a mamíferos coma o cabalo. A primavera é a época na que son máis ruidosos e cando emiten as formas máis melódicas do seu canto. En empezando a chocar, a actividade sonora redúcese drásticamente.
[editar] Distribución e hábitat
Os gaios están distribuídos por Europa, noroeste de África e por Asia ata o Xapón. O seu hábitat son bosques de todo tipo, con preferencia polos caducifolios ou mixtos, e ocasionalmente xardíns ou parques con árbores dabondo. A destrucción dos bosques está a facer que nos últimos anos se acheguen as zonas urbanas. Os seus territorios de caza adoitan ser dunhas 25 Hectáreas. Son aves sedentarias, pero as poboacións máis setentrionais emigran cara ó sur en inverno.
[editar] Alimentación
O espectro alimentario da especie é moi amplo e inclue alimentos das orixes máis variadas. Comen invertebrados e as súas larvas, pero tamén ovos e polos que rouban dos niños e, máis ocasionalmente pequenos vertebrados como ratos e réptiles. A súa dieta vexetal componse de landras, noces, froitas, baias, leguminosas, sementes de gramínea e mesmo patacas. A alimentación de orixe animal ten máis importancia durante o tempo da cría dos polos. Durante o outono os gaios almacenan castañas, noces e landras en furados debaixo da casca das árbores, nos troncos ou no chan, o que favorece que poidan dispoñer de landras para comer durante todo o ano. Debaixo do bico teñen un peto no que poden gardar as sementes que recollen. A bolsa ten capacidae para gardar tres ou catro landras, o que lles facilita o transporte dos alimentos ata as despensas. Para atopar os seus silos, memorizan puntos de referencia e mesmo colocan padriñas a xeito de balizas. Se os puntos de referencia desaparecen ou se desprazan, son incapaces de atopar máis tarde os alimentos. Estímase que un gaio pode carrexar por este sistema ata unhas mil landras ó ano, colaborando con isto á dispersión de determinadas especies de árbores, polo que se fala a veces de "sementeiras de gaio" para referirse os soutos que teñen a súa orixe probable en sementes enterradas polos gaios.
[editar] Conduta reprodutora
Os gaios constrúen niños patelos nas árbores, a alturas que adoitan situarse entre 2 e 10 metros sobre o chan. Os niños están feitos de garabullos e herbas, coa parte interna composta pruincipalmente de raices, brión e materiais semellantes. As femias poñen entre cinco e sete ovos grises verdosos con manchas acastañadas. A época de incubación sitúase, na Europa occidental, entre finais de abril e xuño. Os dous membros da parella chocan os ovos entre 16 e 17 días, e os polos pasn entre 19 e 20 no niño.
[editar] Subespecies
[editar] Grupo Glandarius
- Garrulus glandarius glandarius (Linnaeus, 1758) - Europa occidental
- Garrulus glandarius rufitergum (Linnaeus, 1758) - Gran Bretaña
- Garrulus glandarius hibernicus Witherby & Hartert, 1911 - Irlanda
- Garrulus glandarius lusitanicus Voous, 1953 - Portugal
- Garrulus glandarius fasciatus (A.E. Brehm, 1857) - España
- Garrulus glandarius corsicanus Laubmann, 1912 - Córsega
- Garrulus glandarius ichnusae O. Kleinschmidt, 1903 - Sardeña
- Garrulus glandarius albipectus O. Kleinschmidt, 1920 - Apeninos e ó redor do Adriático.
- Garrulus glandarius jordansi Keve, 1966 - Sicilia
- Garrulus glandarius graecus Kleiner, 1939 - Balcáns
- Garrulus glandarius cretorum R. Meinertzhagen, 1920 - [[Creta]
- Garrulus glandarius ferdinandi Keve, 1943 - Turquía e Bulgaria
[editar] Grupo Brandtii
- Garrulus glandarius brandtii Eversmann, 1842 - Urais, Siberia, rexión do Baikal e Altai
- Garrulus glandarius bambergi Lönnberg, 1909 - Mongolia, Sakhalin, Kuriles, Hokkaido e Corea.
- Garrulus glandarius kansuensis Stresemann, 1928 - China e Mongolia
[editar] Grupo Atricapillus
- Garrulus glandarius krynicki Kaleniczenko, 1839 - Cáucaso e Asia menor.
- Garrulus glandarius iphigenia Sushkin & Ptuschenko, 1914 - Crimea
- Garrulus glandarius anatoliae Seebohm, 1883 - Anatolia, illas gregas, (Rodas, Lesbos, Cos), Iraq
- Garrulus glandarius samios Kleiner, 1940 - Samos, Icaria
- Garrulus glandarius atricapillus I. Geoffroy Saint-Hilaire, 1832 - Líbano, Siria, Israel, Xordania
- Garrulus glandarius cervicalis Bonaparte, 1853 - Tunisiae Alxeria
- Garrulus glandarius whitakeri E. Hartert, 1903 - Alxeria
[editar] Grupo Minor
- Garrulus glandarius minor J. Verreaux, 1857 - cordilleira do Atlas
- Garrulus glandarius glaszneri Madarász, 1902 - Chipre
- Garrulus glandarius hyrcanus Blanford, 1873 -
[editar] Grupo Japonicus
- Garrulus glandarius japonicus Temminck & Schlegel, 1847 - Xapón agás Hokkaido
- Garrulus glandarius hiugaensis Momiyama, 1927 — Península de Isu, Hondo, Kyushu e Kagoshima
- Garrulus glandarius tokugawae Taka-Tsukasa, 1931 — Sado
- Garrulus glandarius orii N. Kuroda Sr, 1923 — Yakushima (Ryukyu)
- Garrulus glandarius namiyei Kuroda, 1922 — Tsushima
[editar] Grupo Bispecularis
Himalaia, China, Birmania, Vietnam
- Garrulus glandarius bispecularis Vigors, 1831
- Garrulus glandarius sinensis Swinhoe, 1871
[editar] Grupo Leucotis
[editar] Sen grupo determinado
- Garrulus glandarius interstinctus Hartert, E, 1918
- Garrulus glandarius azureitinctus Koelz, 1951
- Garrulus glandarius pekingensis Reichenow, 1905
- Garrulus glandarius rhodius Salvadori & Festa, 1913
- Garrulus glandarius severtzowi Bogdanov, 1871
- Garrulus glandarius oatesi Sharpe, 1896
- Garrulus glandarius persaturatus Hartert, E, 1918
- Garrulus glandarius taivanus Gould, 1863
- Garrulus glandarius haringtoni Rippon, 1905
[editar] Galería
 |
.jpg) |
 |
[editar] Ligazóns externas
- Videos sobre o gaio na Internet Bird Collection
- O gaio na "Lista vermella de especies ameazadas" da IUCN
