Estadio Municipal de Chapín

Na Galipedia, a Wikipedia en galego.

Coordenadas: 36°41′21″N 6°7′13″W / 36.68917°N 6.12028°W / 36.68917; -6.12028

Chapín
PanoramicadeChapin.jpg
Panorámica do estadio
Datos
Localización Jerez de la Frontera, España
Construción
Inauguración 28 de xuño de 1988
Arquitecto Cruz y Ortiz
Estadio
Superficie Céspede
Dimensións 105 x 68 m
Capacidade 20.523
Propietario Concello de Jerez de la Frontera
Localía Xerez CD
Eventos
  • Copa de Europa de Clubs de Atletismo (1990 e 1991)
  • Campionato de Atletismo de España (1990 e 2003)
  • Reunión Internacional de Atletismo Cidade de Xerez (1988 a 1990)
  • Xogos Ecuestres Mundiais de 2002
  • Gran Premio de Atletismo de Andalucía (2008)

O Estadio Municipal de Chapín é a estrutura máis representativa do Complexo Deportivo homónimo situado próximo ao centro histórico de Jerez de la Frontera, Cádiz (España).

En 1988 foi inaugurado cun partido entre o Xerez CD e o Real Madrid, coa intención de substituír ao antigo Estadio Domecq que foi derrubado ese mesmo ano. En 2002 foi reformazado completamente para albergar os Xogos Ecuestres Mundiais de 2002. Tras a celebración deste evento, o estadio volveu ser adaptado para acoller outras disciplinas deportivas e outros diversos actos públicos, entre os que destacan o fútbol e o atletismo.

Un aspecto representativo do estadio é a localización de dous grandes edificios anexos. Nunha das súas esquinas, entre tribuna e fondo norte, sitúase o hotel de catro estrelas AC Chapín, cunha terraza e habitacións con vistas ao interior do recinto, que en días de partido soben o seu prezo. Na esquina oposta, entre as seccións de preferencia e fondo sur, atópase emprazado un Centro de Alto Rendemento, que serve de apoio ao gran videomarcador do estadio.

Galería de imaxes[editar | editar a fonte]