Esciénidos

Na Galipedia, a Wikipedia en galego.
Corvinas á venda nun mercado

Os Esciénidos (Sciaenidae) é unha familia de peixes pertencente á orde dos Perciformes. Son peixes mariños distribuídos polos océanos Atlántico, Pacífico e Índico, se ben algunhas especies en Sudamérica viven en augas doces.

A especie característica é a corvina (Argyrosomus regius), pero con esta denominación común se coñecen moitas outras especies desta familia.

Características[editar | editar a fonte]

Son peixes de corpo fusiforme ou oblongo, coa liña lateral ben aparente. Ás veces mostran unha barbela na mandíbula inferior.

A aleta dorsal é única, pero dividida por unha marcada escotadura en dúas partes, unha anterior espiñosa e unha posterior, máis longa, formada por radios brandos. A anal é moi curta e está precedida por dúas espiñas. As pectorais e ventrais son relativamente pequenas e insírense ó mesmo nivel; as ventrais con 1 espiña e 5 radios brandos. Aleta caudal arredondada ou truncada.

Clasificación[editar | editar a fonte]

Sciaena umbra

A familia comprende 70 xéneros, divididos en 275 especies:

  • Aplodinotus
  • Argyrosomus
  • Aspericorvina
  • Atractoscion
  • Atrobucca
  • Austronibea
  • Bahaba
  • Bairdiella
  • Boesemania
  • Cheilotrema
  • Chrysochir
  • Cilus
  • Collichthys
  • Corvula
  • Ctenosciaena
  • Cynoscion
  • Daysciaena
  • Dendrophysa
  • Elattarchus
  • Equetus
  • Genyonemus
  • Isopisthus
  • Johnius
  • Kathala
  • Larimichthys
  • Larimus
  • Leiostomus
  • Lonchurus
  • Macrodon
  • Macrospinosa
  • Megalonibea
  • Menticirrhus
  • Micropogonias
  • Miichthys
  • Miracorvina
  • Nebris
  • Nibea
  • Odontoscion
  • Ophioscion
  • Otolithes
  • Otolithoides
  • Pachypops
  • Pachyurus
  • Panna
  • Paralonchurus
  • Paranibea
  • Pareques
  • Pennahia
  • Pentheroscion
  • Plagioscion
  • Pogonias
  • Protonibea
  • Protosciaena
  • Pseudosciaena
  • Pseudotolithus
  • Pteroscion
  • Pterotolithus
  • Roncador stearnsii
  • Sciaena
  • Sciaenops
  • Seriphus
  • Sonorolux
  • Stellifer
  • Totoaba
  • Umbrina

Curiosidades[editar | editar a fonte]

A pedra corvina.

A corvina posúe uns otolitos [1] de tamaño considerable, que en Galicia reciben o nome de pedra corvina e á que se atribúe popularmente propiedades curativas contra certas enfermidades, especialmente contra o mal dos riles.

Notas[editar | editar a fonte]

  1. Concrecións calcáreas que os peixes teñen na cavidade cranial, relacionada co sentido do equilibrio nestes seres.

Véxase tamén[editar | editar a fonte]

Bibliografía[editar | editar a fonte]

  • RODRÍGUEZ GONZÁLEZ, Eladio: Diccionario enciclopédico gallego-castellano. Galaxia, Vigo 1958-1961.

Ligazóns externas[editar | editar a fonte]

Commons
Commons ten máis contidos multimedia sobre: Esciénidos
Wikispecies-logo.svg
Wikispecies posúe unha páxina sobre: Esciénidos