Bandwagonesque é o terceiro álbum de estudio da banda escocesa de rock alternativoTeenage Fanclub, publicado o 19 de novembro de 1991 a través do selo Creation Records. O disco outorgoulle ao grupo un éxito considerable nos Estados Unidos cando o sinxelo "Star Sign" chegou ao número 4 da lista Billboard Modern Rock Tracks, converténdose no seu maior éxito no país, con "What You Do to Me" e "The Concept" entrando tamén no top 20 desa lista. Bandwagonesque foi votado "álbum do ano" de 1991 pola revista estadounidense Spin, superando ao Nevermind de Nirvana.[1]