Avelino Alonso Rivas
Biografía | |
---|---|
Nacemento | 1901 (122/123 anos) A Devesa, España |
Datos persoais | |
País de nacionalidade | España |
Actividade | |
Ocupación | policía municipal |
Avelino Alonso Rivas, nado na Devesa (Tomonde, Cerdedo-Cotobade) cara a 1901, foi un garda municipal galego.
Traxectoria[editar | editar a fonte]
Veciño de Sabucedo. Foi destinado como garda municipal do Concello de Lavadores en abril de 1928.[1] Simpatizante do PSOE. Logo do golpe de Estado do 18 de xullo de 1936 participou na resistencia ao movemento militar en Lavadores. Xulgado o 27 de xullo de 1936, foi declarado en rebeldía. Andou fuxido durante case dous anos no monte e na casa de Manuel Gil Corbal, en Laxoso, onde, logo da denuncia do falanxista de Cerdedo Francisco Buján, foi detido pola garda civil e falanxistas de Sabucedo en decembro de 1938.[2] Trasladado ao cuartelillo de Cerdedo foi torturado. Xulgado en consello de guerra o 21 de xaneiro de 1939 foi condenado a 12 anos de prisión, que pasou nas cadeas de Vigo e Pontevedra, da que saíu en liberdade condicional en novembro de 1941.[3] Abríronlle expediente de responsabilidades políticas en xullo de 1940.[4][5] En 1945 seguía en liberdade vixiada.[6] Polas penalidades que soportou, sufriu graves secuelas sicolóxicas. En 1978 afiliouse de novo á Agrupación Socialista de Cerdedo.
Notas[editar | editar a fonte]
- ↑ Galicia Nueva, 26-4-1928, p, 3.
- ↑ El Compostelano, 4-1-1939, p. 2.
- ↑ BOE, 18-11-1941, p. 9016.
- ↑ El Pueblo Gallego, 31-7-1940, p. 2.
- ↑ BOE, 23-6-1943, p. 2296.
- ↑ El Pueblo Gallego, 30-1-1945, p. 2.
Véxase tamén[editar | editar a fonte]
Bibliografía[editar | editar a fonte]
Ligazóns externas[editar | editar a fonte]
- Avelino Alonso Rivas na páxina web Nomes e Voces.