Añaterve
 Estatua de Añaterve na Praza da Patroa das Canarias (Tenerife). | |
| Biografía | |
|---|---|
| Nacemento | Comezos da segunda metade do século XV Tenerife (Illas Canarias) |
| Morte | ?? ?? |
| Causa da morte | valor descoñecido  |
| Mencey | |
| | |
| Actividade | |
| Ocupación | monarca |
| Período de tempo | Guanche |
Añaterve, caudillo guanche do Menceyato de Güímar, na illa de Tenerife (Canarias). Foi o mencey ou rei do distrito de Güímar, un dos 9 distritos ou menceyatos nos que estaba dividida a Tenerife prehispánica.
Foi o primeiro mencey tinerfeño en chegar a acordos de paz con Alonso Fernández de Lugo, o adiantado dos Reis Católicos.
Biografía[editar | editar a fonte]
Añaterve "O Bo" era o fillo do mencey Acaymo de Güimar e neto, por tanto, de Tinerfe, "O Grande".[1] Naceu a comezos da segunda metade do século XV. En maio de 1494, unha expedición capitaneada polo mesmo Alonso de Lugo e formada por 30 navíos, 190 cabaleiros e entre 1.000 e 2.000 infantes casteláns, máis algúns aliados nativos, desembarca en Tenerife por Añaza.
Alonso chega a acordos de paz con Añaterve, ó que se une o Menceyato de Icode, o de Daute, o de Adeje e o de Abona, que forman o chamado bando de paces, o cal acepta o dominio dos casteláns.
Añaterve axudou ós casteláns en diferentes ocasións, aportando tropas auxiliares, especialmente na Primeira Batalla de Acentejo, na Batalla de Aguere e na Segunda Batalla de Acentejo.
Notas[editar | editar a fonte]
- ↑ BETHENCOURT ALFONSO, Juan. Historia del pueblo Guanche,Tomo II, página 129. 2º Edición: Abril, 1992.