Área metropolitana de Ponferrada
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2018.) |
A área metropolitana de Ponferrada é unha aglomeración urbana formada por 11 concellos da bisbarra leonesa do Bierzo. Segundo o INE, en 2011 tiña 88.975 habitantes.
Características[editar | editar a fonte]
A área metropolitana de Ponferrada (ou alfoz) rexistra un crecemento relativo moderado, que se centra principalmente en Ponferrada, Cacabelos e en Camponaraia. Estes 3 concellos son os que tradicionalmente foron máis dinámicos do Alfoz de Ponferrada, aos cales se uniron outros moitos nos últimos anos. Entre os anos 2006 e 2008 o total de crecemento de poboación sumando todos os concellos foi de 3.500 persoas.
O máis peculiar deste alfoz é que Ponferrada é a que máis crece de todas, en números absolutos, cando a tendencia de moitas cidades actuais é ceder habitantes aos seus concellos estremeiros. Sen dúbida o feito de que isto aconteza é a gran cantidade de terreo da que dispón o concello de Ponferrada.
Concellos[editar | editar a fonte]
| Municipio | Poboación | Superficie Km² | Densidade h/km² |
|---|---|---|---|
| Ponferrada | 68.549 | 283,3 | 242,08 |
| Cacabelos | 5.506 | 32,8 | 168,59 |
| Camponaraia | 4.220 | 29 | 144,87 |
| Carracedelo | 3.680 | 32,4 | 113,86 |
| Cubillos del Sil | 1.852 | 53,4 | 34,68 |
| Castropodame | 1.805 | 59,7 | 30,10 |
| Congosto | 1.676 | 37,1 | 45,53 |
| Cabañas Raras | 1.316 | 19,3 | 68,86 |
| Molinaseca | 886 | 79,6 | 11,18 |
| Priaranza do Bierzo | 828 | 33,7 | 24,58 |
| Sancedo | 574 | 31,2 | 18,52 |
| Total | 90.892 | 691,6 | 131,42 |